Deutscher Bundestag
From Wikipedia, the free encyclopedia
Remove ads
De Dütschi Bundestag isch s Parlament vo de Bundesrepublik Dütschland un het sin Sitz z Berlin.
Im politische Syschtem vo de Bundesrepublik isch de Bundestag s einzig Verfassigsorgan vom Bund, wo direkt vom Volk gwählt wird. De Bundestag hät mindeschtens 598 Mitglieder. Wege de Überhangmandat sin s meischt einigi meh. D Legislaturperiode vom Bundestag isch vier Johr. D Mitglider chöi sich zu Fraktione oder Gruppe zämmeschliesse. De Vorsitz im Bundestag het de Bundestagspräsident. Syt 2025, wo de 21. Dütschi Bundestag mit 630 Abgordnete amtiert, isch d CDU-Politikerin Julia Klöckner d Präsidentin. Iri Stellvertreter sin d Andrea Lindholz (CSU), d Josephine Ortleb (SPD), de Omid Nouripour (Bündnis 90/Die Grünen) un de Bodo Ramelow (Die Linke).
De Bundestag het vili Funktione: Er duet d Bundesgsetz bschlüsse un cha mit ere 2/3-Mehrheit au d Verfassig ändre. Hüfig bruchts für e Gsetzesänderig au d Zustimmig vom Bundesrat, wo d Länder drin verträte sin. De Bundestag duet au Verträg mit andere Staate un Organisatione gnämige un de Bundeshushal bschlisse. Au d Wahl vom Bundeskanzler isch d Ufgab vom Bundestag. Ebeso isch er bi de Wahl vom Bundespräsident, vo de Bundesrichter un andre wichtige Bundesorgane beteiligt. Au d parlamentarisch Kontrolle vo de Bundesregirig isch e Ufgab vom Bundestag un er kontrollirt d Iisätz vo de Bundeswehr.
Wichtig isch au die sognannti Öffentlichkeitsfunktion. De Bundestag het dodermit d Ufgab, d Bevölkerig un ihri Wünsch z repräsentire un si uf de andre Site au z informire.
Remove ads
Film
- Demokratie, wie funktioniert das? – Hinder de Kulisse vom Bundestag. ARD-Dokumentazion 2003. Buech und Reschii: Torsten Sasse.
Weblink
 |
Dä Artikel basiert uff ere fräie Übersetzig vum Artikel „Deutscher_Bundestag“ vu de dütsche Wikipedia. E Liste vu de Autore un Versione isch do z finde. |
Wikiwand - on
Seamless Wikipedia browsing. On steroids.
Remove ads