Erika Buchmann

Dr Vater vu dr Erika Buchmanns, dr Rudolf Schollenbruch, isch e Dokter gsii un in dr SPD aktiiv gsii. In d rZyt vu dr bayerische Reeterepublik isch er zum Minischter fir s Gsundhaitswääse ernännt woore. No dr Grindig vu dr Kummenistische Bartei vu Dytschland (KPD) sin äär un sy Frau dääre Barei byydrätte. D Doochter Erika isch em Kummenistische Juugedverband vu Dytschland (KJVD)]] byydrätte. Si het au in dr Minchner Barteiorganisazioon gschafft, vorhäär het si as Stenotypischti in dr Redakzioon vu dr USPD-Zytig Der Kampf gschafft ghaa. Speeter het si as Sekreteeri in dr KPD-Landdaagsfrakzioon z Minche gschafft un isch Frauelaiteri vum KPD-Landessekretariaat Siidbayern gsii. Voor 1933 het d Kumnmenischti un speeter Ryychsdaagsabgoorneti Franziska Kessel in irem Huushalt as Dienscht- un Chindermaidli gschafft<.^[1]

Am Aafang vum NS-Regime het si z Korntal bi Ludwigsburg gläbt. Si isch mit em eemoolige KPD-Ryychsdaagsabgoornete Albert Buchmann ghyroote gsii. Anne 1933 isch ire Mann verhaftet woore, 1935 au d Erika Buchmann. Si isch zue dreiehalb Joor Gfängnis verurdailt woore. Wu s die Haftstroof abghockt ghaa het, isch si in d Fraue-KZ Ravensbrück z Brandeburg broocht woore, wu si 1940 drus entloo woorten isch. Des isch uf e Voorsprooch vu irem Vetter Theodor Walter Elbertzhagen bim Ryychsfierer SS Heinrich Himmler gschää.^[2] 1941 isch si wiider ins KZ Ravensbrück yygliiferet woore, wu si bis zue dr Befreiig am 30. April 1945 gfange gsii isch. Iri Erlääbnis z Ravensbrück het si noch em Chrieg in de Biecher Frauen im Konzentrationslager un Die Frauen von Ravensbrück verschafft.

Noch em Chrieg het si am bolitische Neiaafang mitgschafft. Vu 1945 bis 1949 isch si Gmaireeti z Stuagert gsii. Ab 1952 het si au dr Verfassigsgeebende Landesversammlig aagheert un isch derno bis 1956 im eerschte Landdaag vu Baade-Wiirtebäärg Landdaagsabgoorneti fir d KPD gsii. Wu anne 1956 d KPD vum Bundesverfassigsgriicht verbote wooren isch, isch d Buchmann in d DDR iibergsiidlet.

Si het e Uusstellig in dr Mahn- und Gedenkstätte Ravensbrück organisiert un anne 1961 d Publikazioon „Die Frauen von Ravensbrück“ mit Porträt vu inhaftierte Fraue vereffetligt, wu e baarmool nei ufglait wooren isch.

Zäme mit dr Dramaatikeri Hedda Zimmer het d Erika Buchmann s Theaterstugg „Die Ballade von Ravensbrück“ entwoorfe. S isch 1961 an dr Berliner Volksbühne urufgfiert woore. D Buchmann isch in Organisazioone vu NS-Verfolgte un in dr DDR, aber au in dr Sowjetunioon as Zytzyygi aktiiv gsii.

D DDR-Fierig het d Erika Buchmann 1958 mit dr „Medaille für Kämpfer gegen den Faschismus 1933-1945“ un 1970 mit dr Eerenoodle in Gold vu dr Gsellschaft fir Dytsch-Sowjetischi Fryndschaft uuszaichnet. Am 20. Novämber 1971 isch d Erika Buchmann im Alter vu 69 Joor z Oscjt-Berlin gstoorbe.^[3]

Ina Hochreuther: Frauen im Parlament. Südwestdeutsche Abgeordnete seit 1919. Im Auftrag des Landtags herausgegeben von der Landeszentrale für politische Bildung. Theiss-Verlag, Stuttgart 1992, ISBN 3-8062-1012-8, S. 129f.
Simone Barck: Erika Buchmann als Chronistin des FKL.In: Antifa-Geschichte(n). Eine literarische Spurensuche in der DDR der 1950er und 1960er Jahre. Böhlau Verlag, 2003, ISBN 3-412-13802-9, S. 75–80.
Trümmerfrauen der Kommunalpolitik. Frauen im Stuttgarter Gemeinderat 1945–1960. Stadtarchiv Stuttgart, Stuttgart 2013, S. 15 f.
Grit Philipp: Erika Buchmann (1902–1971) Kommunistin, Politikerin, KZ-Überlebende (= Forschungsbeiträge und Materialien der Stiftung Brandenburgische Gedenkstätten, Band 7) Metropol Verlag, Berlin 2013, ISBN 978-3-86331-077-6.

Lääbe

Wäärch

Literatuur

Weblink

Fueßnote

Wikiwand - on