Fermentation

Fermentazion oder Fermentierig (latiin. fermentum ‚Gäärig‘) bezäichnet in dr Biologii e Form von ere enzymatische Umwandlig vo organische Stoff. D Fermentazion wird in dr Biotechnologii bewusst aagwändet. Mä macht das ass mä äntwääder d Enzym, wo nöötig si, drzueduet oder Kulture vo Bakterie, Bilz oder andere biologische Zälle, wo d Fermentazion im Raame vo iirem enzymkatalüsierte Stoffwäggsel usfüere. Zum Däil si die Mikroorganisme scho natürlig uf de Usgangsstoff vorhande, wie öbbe bi dr Spontangäärig. Grad in dr industrielle Fermentazion wärde aber Räinzuchtzällkulture brucht, zum d Fermentazion besser chönne kontrolliere, so dass es käni Nääbebrodukt git, wo nid erwünscht si.

Fermentazionsfässer zum Biermache si Bioreaktore

D Fermentazion spiilt e groossi Rolle in dr Härstellig vo Gnuss- und Lääbesmiddel, wo si s d Ändbrodukt haltbarer mache wie bi Milchbrodukt (Chees, Joghurt) oder Suurchrut, wo si Aromastoff entwiggle wie bi dr Sojasoosse und fermentierte Getränk, oder wo si Gärbstoff abbaue, wie bim Tee, Gaggo, Kaffi und Dubak.

Litratuur

• R. Stürmer, M. Breuer: Enzyme als Katalysatoren. Chemie und Biologie Hand in Hand. In: Chemie in unserer Zeit Band 40/ 2006,104–111; doi:10.1002/ciuz.200600379.

Weblingg

 Commons: Fermentation – Sammlig vo Multimediadateie

• The chemical logic behind fermentation and respiration (englisch)
• Fermentation der Kakaobohne (PDF, 2,1 MB)

Dä Artikel basiert uff ere fräie Übersetzig vum Artikel „Fermentation“ vu de dütsche Wikipedia. E Liste vu de Autore un Versione isch do z finde.