Fritz Hans Schweingruber

Dr Fritz Hans Schweingruber (* 29. Februar 1936 z Chrouchtu, BE; † 7. Jänner 2020^[1] z Biirmischtoorf, ZH) isch e Schwyzer Dendrochronoloog un Brofässer fir Walddynamik un Dendrowisseschafte gsii.

Lääbe

Dr Fritz Schweingruber isch zeerscht Primarleerer un Organischt gsii. Bis anne 1965 het er nyyn Joor lang an Schuele im Ämmitau unterriichtet. Derno het er Botaanik, Zoology, Geology un Ur- un Friegschiicht an dr Universiteet Bärn studiert un derno Holzbiology an der ETH Züri. Wun er dr eseschtryychisch Botaniker Bruno Huber chännegleert het, het des sy Inträssi gweckt fir di dendrochronoloogisch Foorschig. 1972 het er in sischtemaatischer Pflanzesoziology promoviert.

Noch ere Zyt as Biologyleerer am Gimnasium Köniz bi Bärn un an dr Privaatschuel Dr. Feusi het er ab 1971 an dr Aidgnessische Foorschigsaaschtalt fir Wald, Schnee un Landschaft WSL z Biirmischtoorf gschafft. Deert het er d Foorschigsgruppe Dendrochronology ufböue. Anne 1976 het er e usseroordeligi Brofässuur an dr Universiteet Baasel mit dr Habilitation «Prähistorisches Holz» iberchuu.

Foorschig

An dr WSL het dr Schweingruber s Noordhemisphärisch dendroklimatoloogisch Daatenetz in Zämenaarbet mit em Keith Briffa (Climatic Research Unit Norwich), em Jewgeni Waganow (Sibiirischi Federaal Universiteet Krasnojarsk) un em Stepan Schijatow (Uraalischi Federaal Universitet Jekaterinenburg ufböue. Doderzue het er Expedizioone uf Weschteuropa, USA, Kanada un Sibiirie organisiert. Är het Studänt*ine vu dr Universiteete Baasel. Züri, Bärn, Stuegert, Grenoble, Marseille, Teheran un Abakan uusbildet. Är het di «Internazionaale dendro-ekoloogische Fäldwuche» (ab 1986) un di «Internazionaale dendro-anatoomische Wuche» (ab 2001) ins Lääbe grufe un het die bis anne 2019 glaitet.

Zue syne Publikazioone gheere d Leerbiecher Der Jahrring, Dendroökologie, Wood Structure and Environment, Mikroskopische Holzanatomie, Europäische Holzanatomie un The Plant Stem.

Syt syre Emeritierig 2001 het het e Gaschträächt an dr WSL ghaa un het wyter gfoorscht mit drSchwäärpinkt Taxonoomisch-anatoomisch-dendrochronoloogischi Analys vu Chryter un Zwäärgstryycher. E zäntraal Projäkt isch dooderbyy d Altersbstimmig un Anatomy vu Hoochgebiirgspflanze in dr Alpe un em Himalaya gsii.

Mitgliidschafte un Eerige

• 2002: Honorary President of the Association for Tree Ring Research^[2]
• 2018: Honorary Member of the International Association of Wood Anatomists^[3]

Publikazioone (Uuswaal)

• 1976: Prähistorisches Holz – Die Bedeutung von Holzfunden aus Mitteleuropa für die Lösung archäologischer und vegetationskundlicher Probleme. DNB 770057489
• 1993: Jahrringe und Umwelt. Dendroökologie. Erweitertes Scriptum zur Vorlesung Dendrochronologie am Botanischen Institut der Universität Basel. Dora Repository 10276
• 2001: Dendroökologische Holzanatomie – Anatomische Grundlagen der Dendrochronologie. DNB 960532617
• 2007: Wood structure and environment. DNB 983417539
• 2012: Der Jahrring – Standort, Methodik, Zeit und Klima in der Dendrochronologie. DNB 1027396968
• 2016: Mikroskopische Holzanatomie – Formenspektren mitteleuropäischer Stamm- und Zweighölzer zur Bestimmung von rezentem und subfossilem Material. DNB 1096497689
• 2018: The Plant Stem – A Microscopic Aspect.DNB 1161183906
• 2018: Anatomy, Age and Ecology of High Mountain Plants in Ladakh, the Western Himalaya. DNB 1153354217
• 2019: Anatomy of culms and rhizomes of sedges – Atlas of Central European Cyperaceae (Poales), Volume 2. DNB 119596353X
• 2019: Photographic atlas for the microscopic identification of twigs of selected Central European trees and shrubs. DNB 1176833278

Weblink

• dr Fritz Schweingruber uf dr Websyte vu dr Aidg. Foorschigsaaschtalt fir Wald, Schnee un Landschaft WSL