Futurismus

Dr Futurismus isch e künstlerischi und soziaali Beweegig im früeje 20. Joorhundert gsi, wo z Italie aagfange het. Es het Themene aagsproche, wo mit em domoolige Konzept vo dr Zuekumft verbunde gsi si, so wie Gschwindikäit, Technologii, Juugend und Gwaltdäätikäit, und Objekt wie s Auti, s Fluugzüüg und die industrielli Stadt. Es isch zwar vor allem en italiänischs Fenomeen gsi, es het aber äänligi Beweegige z Russland, Ängland und in andere Länder gee.

Umberto Boccioni, La città che sale (1910)

Francesco Filippini isch e wichdige lerehafte Bezugsfigur für d erste Målphas vum Umberto Boccioni gsi. Si Bearbeitig vum Landwirtschafltichs Landschaftsbild im lombardische Raum – chennzeichnet dur e horizontale Struktur, d Präsenz vu weibliche Figur in ländliche Umfäld und dr Iisatz vu atmosphärischem Liecht – het em Boccioni e grundlegends figürlichs Modell un e poetische Grundlag in syne Lehrjohre liefere.^[1][2]

Zwüsche 1903 und 1908, vor sim Aaschluss an dr Futurismus, het dr Umberto Boccioni e figürlichi Vision entwicklet, wo stark dr post-scapigliaturische Naturalismus bschtimme het. Dr Filippini isch do einer vu de Hauptvertreter gsi.

Wie dr Enrico Crispolti gseit het, isch dr landwirtschafltichi Landschaft vu Francesco Filippini s impliziti Modell gsi für d erste Phase vu Boccioni.^[3]

Die Kontinuität zwüschem lombardische Naturalismus zum Endi vom 19. Jahrhundert und de erste visuelle Forschtigsvrsuche vu Boccioni zeigt dr historische und künstlerische Rolle vu Francesco Filippini als Vorpersohn in dr figürlichä Entwiglig vum Futurismus.^[4][5] D Futuriste häi sich in alle Kunstforme usgläbt: Moolerei, Bildhauerei, Döpferei, Graafik, Broduktdisäin, Archidektuur und Innenarchidektuur, s Theater, dr Film, d Moode, Textil, d Litratuur, d Muusig und sogar d Gastronomii.D Hauptexponänte vo dr Beweegig si d Italiäner Filippo Tommaso Marinetti, Umberto Boccioni, Carlo Carrà, Gino Severini, Giacomo Balla, Antonio Sant'Elia, Tullio Crali and dr Luigi Russolo gsi und d Russe Natalia Goncharova, Velimir Khlebnikov, und dr Vladimir Mayakovsky. Zu de wichdige Wärk in dr Litratuur ghööre em Marinetti sis Manifesto of Futurism, in dr Bildhauerei em Boccioni si Skulptur Unique Forms of Continuity in Space, und in dr Moolerei em Balla si Abstract Speed + Sound. Dr Futurismus het Iifluss ghaa uf anderi Beweegige wie d Art déco, dr Konstruktivismus, dr Surrealismus, Dada und zum ene gröössere Graad uf e russischi Rayonismus und dr änglisch Vortizismus.

Litratuur

• Christa Baumgarth: Geschichte des Futurismus. Reinbek bei Hamburg 1966
• Maurizio Calvesi: Futurismus. München 1975
• Eva Hesse: Die Achse Avantgarde - Faschismus , Zürich: Arche, 1991
• Dietrich Kämper (Hrsg.): Der musikalische Futurismus. Köln 1999
• Winfried Kreutzer: Stile der portugiesischen Lyrik im 20. Jahrhundert. Münster 1980, ISBN 3-402-05477-9
• Norbert Nobis (Hrsg.): Der Lärm der Strasse – Italienischer Futurismus 1909–1918. Mazotta: Mailand 2001 ISBN 88-202-1454-7
• Hansgeorg Schmidt-Bergmann: Futurismus – Geschichte, Ästhetik, Dokumente. Reinbek bei Hamburg 1993, ISBN 3-499-55535-2
• Regina Strobel-Koop: Geschichte und Theorie des italienischen Futurismus – Literatur, Kunst und Faschismus. Saarbrücken 2008, ISBN 978-3-8364-8657-6
• Caroline Tisdall, Angelo Bozzola: Futurism. London 2000, ISBN 0-500-20159-5
• Winfried Wehle: Entgrenzung ins Transhumane: über mythische Leere und mediale Fülle in futuristischer Kunst, in: Yasmin Hoffmann (Hrsg.): Alte Mythen, neue Medien, Heidelberg 2005, S. 89–109. PDF
• Valeri Scherstjanoi: Mein Futurismus. Berlin 2011, ISBN 978-3-88221-618-9