Grafikkarte

E Grafikkartä, früener au Videoadapter gnennt,^[1] steuert i eme Computer d Grafikusgab im bruuchtä Videomodus. Wärd es Programm uusgführt, denn rechne dr Prozessor d Date, leitet die wiiter a d Grafikkartä, und die wandlet d Date so um, dass dr Monitor oder dr Beamer das als Bild azeige cha. Grafikkartä sind entweder als Erwitterigskartä für dr PC über es Bussystem (wie PCIe – früener au AGP, PCI, VLB oder ISA) mit dr Hauptplatin (Mainboard) verbunde, oder sie sind scho i öpperä vo de Komponente uf dr Hauptplatin ine, zum Bispiel im Chipsatz oder grad direkt im Hauptprozessor (CPU), bzw. als Teil vo eme System-on-a-Chip.

Grafikkartä für dä PCIe-Slot, ohni Kühler.

D wichtigste Komponente vo modernä Grafikkartä sind: d GPU, dr Grafikspeicher, dr RAMDAC und d Aaschlüss für externi Gerät (z. B. für de Monitor oder es Grafiktablett). Zum unterschidä, öb es sich um e separati oder e integrierigti Grafikkartä handelt, redt me au vo „dGPU“ für dedizierti und „iGPU“ für integrierigti Grafikeinheitä. Es git au externi Grafikkartä, wo me meischter mit „eGPU“ (für s englischi external GPU) bezäichnet.

D GPU sött me aber nöd mit dr ganze Grafikkartä verwechsle, au wenn „GPU“ vilmol as Synonym für d Grafikkartä bruucht wird.

Weblink

 Commons: Grafikkarte – Sammlig vo Multimediadateie