Heidenheim an der Brenz

Hoidna, au Hoirna, dt. Heidenheim an der Brenz, isch a Stadt im Oschte vu Bade-Wirttebärg an dr Gränze zue Bayern rund 17 km sidli vu Oole un 33 km nerdli vu Ulm. Si isch d Chreisstadt un di grescht Stadt des Landkrois Hoidna un no Oole un Gmend di drittgrescht Stadt vu dr Region Oschtwirttebärg.

Dä Artikel bhandlet d Stadt Hoidna an dr Brenz. Zue andere Bedytige vu „Heidenheim“ lueg Heidenheim (Begriffsklärung).

Wappa	Deitschlandkart
	48.67611111111110.154444444444504
Basisdata
Bundesland:	Bade-Wirttebärg
Regierongsbezirk:	Stuegert
Landkroes:	Hoedna
Heh:	504 m i. NHN
Fläch:	107,1 km²
Eiwohner:	50.618 (31. Dez. 2024)[1]
Bevelkerongsdicht:	473 Eiwohner je km²
Boschtloetzahle:	89518–89522
Vorwahl:	07321
Kfz-Kennzoeche:	HDH
Gmoedsschlissel:	08 1 35 019
Stadtgliderong:	Chärnstadt un 4 Stadtdeil
Adress vo dr Stadtverwaltong:	Grabenstraße 15 89522 Heidenheim
Webpräsenz:	www.heidenheim.de
Oberburgermeischter:	Michael Salomo (SPD)
Blick iber Hoidna, 2007
Karte

Hoidna bildet a eige Mittelzäntrum, wu alli Gmeine vum Landkrois Hoidna zum Mittelberaich derzu ghere. Syter em 1. April 1956 isch Hoidna Großi Chreisstadt. Mit dr Gmei Natte het d Stadt Hoidna ne Verwaltigsgeminschaft veryybart.

Geografii

Hoidna lyt in 478 bis 645 Meter Hechi zwische Albuech un Härtsfeld am nordeschtlige Änd vu dr Schwebische Alb in ere Dalwytig vu dr Brenz, dert wu am Fueß vum Hellestoi s Stubedal dryymindet. D Brenz chunnt vu Kenigsbronn uus, wu si ihri Quälle het, im Nordweschte in s Stadtgebiet un fließt in Nord-Sid-Richtig zerscht dur d Stadtdeil Aufhause un Schnoite, derno dur d Chärnstadt un dur dr Stadttdeil Mergelstette un verlosst derno s Stadtgebiet im Side in Richtig Herbrechtenge.

Nochbergmeine

Die Stedt un Gmeine gränze an dr d Stadt Hoidna (im Uhrzeigersinn vu Norde uus): Oole un Nääres (Oschtalbkrois), Natte (Landkrois Hoidna), Syrgestoe (Landkrois Dillenge, Bayern), Gẽänge, Herbrechtenge, Schtoene un Kenigsbronn (alli Landkrois Hoidna).

Stadtgliderig

S Stadtgebiet vu Hoidna bstoht us dr Chärnstadt un däne Gmeine, wu 1910 un 1974 yyglideret wore sin:

• Schnoida (mit Aufhausa un em Wohngebiet Mittelrain)
• Mergelstetta
• Oggenhause (mit Heuhof)
• Großkuacha (mit dr Wyyler Gloekuacha, Niete un Rotesohl, derzu di abgangene Ortschafte Hagebuacher Hof, Hubats- oder Hubertsweiler un Norderehausa)

Im hitige Stadtgebiet lige au di abgangene Derfer Bintzwange un Niderhofe.

Die bode erscht bi dr jingschte Gebietsreform yygliderete Gmeine Großkuacha un Oggehause sin Ortschafte im Sinn vu dr bade-wirttebärgische Gmeindsornig mit eme Ortschaftsrot, wu vu dr Bevelkerig bi jedere Kommunalwahl nej gwehlt wird, mit eme Ortsvorsteher as Vorsitz.

Klima

Klimadiagramm vu Hoidna 1961–1990

Hoidna het a Durschnittstämperatur vu rund 7 Grad Celsius (°C) im Johr, a gängige Wärt fir Bade-Wirttebärg. D Niderschlagsmängi lyt im Johresdurschnitt bi 880 Millimeter (mm). Vor allem im Spotjohr het s vilmol Näbel. Im winter het s in dr Regle Schnee, aber dää längt nit immer fir a gschlosseni Schneedecki. S Bett vum Wedel, wu normalerwyys drucke isch, fiert in dr Zyt vu dr Schneeschmilzi Wasser, un au d Brenz het in däre Zyt a hechere Wasserstand. Mittlerwyyli git s aber kei greßeri Brobläm me mit Hochwasser, zyter ass in dr Druckdäler im Umland Hochwasserruckhaltebeckine böue wore sin un dr Wedel deilwyys verdoolt woren isch.

Gschiicht

Yygmaindige:

• 1910: Schnoida (mit Aufhausa)
• 1937: Mergelstetta
• 1. Januar 1971: Oggenhause^[2]
• 1. Juli 1974: Großkuacha (mit Gloekuacha, Niete un Rotesohl)^[3]

Yywohner

D Yywohnerzahle noch em jewyylige Gebietsstand sin Schetzige, Volkszelligsergebnis (¹) oder amtligi Furtschryybige vu dr jewyylige Statistische Ämter (nume Hauptwohnsitz).

Bevelkerigsentwicklig z Hoidna syt 1600

Johr Einwohner 1600 ca. 800 1700 1.055 1764 1.576 1803 1.711 1843 2.941 1861 3.762 1. Dezämber 1871 5.167 1. Dezämber 1880 ¹ 6.229 1. Dezämber 1890 ¹ 8.001

Johr Yywohner 1. Dezämber 1900 ¹ 10.510 1. Dezämber 1910 ¹ 17.780 16. Juni 1925 ¹ 19.363 16. Juni 1933 ¹ 21.903 17. Mai 1939 ¹ 27.178 1946 34.694 13. Septämber 1950 ¹ 40.142 6. Juni 1961 ¹ 48.792 27. Mai 1970 ¹ 50.292

Johr Yywohner 31. Dezämber 1975 49.943 31. Dezämber 1980 48.585 27. Mai 1987 ¹ 47.753 31. Dezämber 1990 50.532 31. Dezämber 1995 52.527 31. Dezämber 2000 51.181 31. Dezämber 2005 49.626 31. Dezämber 2005 49.626 31. Dezämber 2010 48.164 31. Dezämber 2015 48.048 31. Dezämber 2020 49.342

¹ Volkszelligsergebnis

Verwaltig

Burgermaischter:

1819–1833: Georg Jakob Heinrich Mack 1833–1859: Gottfried Völter 1859–1866: Friedrich Winter 1866–1867: Friedrich Wehrle 1867–1877: Carl Greiner 1877: Carl Bunz, Amtsverweser 1877–1878: Louis Junginger 1878–1902: Christian Friedrich Schlagentweith 1902–1903: Wilhelm Lösch 1903–1935: Eugen Jaekle 1935: Gustav Müller

1935–1945: Rudolf Meier 1945: Paul Schwaderer 1945–1946: Werner Plappert 1946–1948: Werner Kliefoth 1948–1956: Karl Rau 1956–1957: Ernst Langensee, Amtsverweser 1957–1969: Elmar Doch 1969–1993: Martin Hornung 1993–2000: Helmut Himmelsbach 2000–2021: Bernhard Ilg Syt 2021: Michael Salomo

Lyt

• Dieter de Lazzer (* 1941), dytsche Krimiautor
• Jutta Kammann (* 1944), dytschi Schauspileri
• Margarete Hannsmann (1921-2007), dytschi Schriftstelleri

Literatur

• Erich Keyser (Hrsg): Württembergisches Städtebuch. Band IV, Teilband Baden-Württemberg, Band 2 aus Deutsches Städtebuch. Handbuch städtischer Geschichte – Im Auftrage der Arbeitsgemeinschaft der historischen Kommissionen und mit Unterstützung des Deutschen Städtetages, des Deutschen Städtebundes und des Deutschen Gemeindetages. Stuttgart 1961
• Iber Aquileia, s remisch Hoidna:
  • G. Balle: Neues zum Reiterkastell Heidenheim. Archäologische Ausgrabungen in Baden-Württemberg 2000. S. 90–94
  • R. Sölch: Die Topographie des römischen Heidenheim. In: Forschung und Berichte Vor- und Frühgeschichte Baden-Württemberg. Band 76. Stuttgart 2001
• Iber Hoidna im Nationalsozialismus:
  • A. Hoffmann, D. Hoffmann: Drei Schritt vom Leib. Ausländische Zivilarbeiter und Kriegsgefangene in Heidenheim 1939–1945. Eine Dokumentation. Heidenheim 1995
  • A. Hoffmann: Verschwunden, aber nicht vergessen. KZ-Nebenlager in der Polizeischule Heidenheim. Eine Dokumentation. Heidenheim 1996
  • A. Hoffmann: Keine Volksgenossen. Die „Entjudung“ Heidenheims in der Zeit des Nationalsozialismus. 2. Auflage. Heidenheim 1999
• G. Schweier: Namhafte Heidenheimer. Band 1, 88 Persönlichkeiten. Heidenheim 1968
• A. Hoffmann: Die Frühzeit der Kinematographie in Heidenheim: Ein Medium etabliert sich. Heidenheim 2003