Hinterzarten
From Wikipedia, the free encyclopedia
Remove ads
Dr Höcheluftchurort Hinderzarte lit im Hoch-Schwarzwald ebba 25 km östlich vu Friburg im Brisgau uf 850 bis 1200 m y. NN.
Remove ads
Geographi
Geographischi Lag
Geographisch reicht Hinderzarte bis chnapp an dr Feldberg, die mit 1493 m.y.M. höchst Erhebig vum Schwarzwald und bis ans südöstlich End vum Titisee. Es befindet sich im Naturpark Südschwarzwald un wird vum Zartebach durflosse.
Nochbergmeinde
Agrenzendi Gmeinde sin Breitnau, Titisee-Nöistadt, Feldberg un Oberried
Ortsgliderig
Hinderzarte glideret sich in d'Ortsdeiler:
- Alpersbe
- Biste
- Bruederhalde
- Erlebruck
- Löffeldal
- Oberzarte
- Rinke
- Windeck
- Winterhalde
Remove ads
Gschicht
1148 wird Hinderzarte erstmols urchundlich erwähnt. Im 13. Johrhundert wird es e beliebte Wallfahrtsort, wil e Schwäfelquelle heilendi Wirkig bi Augelider verspricht.
Um 1790 het dr Uhremacher Jacob Herbstreith die sognennte Jockili-Uhre agfertigt. Eini vu sällene Uhre isch im Uhremuseum in Furtwange z'sähe. Mit dr Chilchwaldschanze wird 1923 die erst Skisprungschanze im Ort baut. E Johr später folgt d'Adlerschanze, wo 1981 zu ere Mattesprungschanze umbaut wird.
Sit 1964 derf sich Hinderzarte als Heilklimatischer Kurort bezeichne.
Remove ads
Politik
Mit em nördlich glägene Noochberort Breitnau bildet Hinderzarte e Verwaltigsgmeinschaft.
Wahle
Ergebnis vo dr Landdagswahle sit 2006:[2]
| Johr | CDU | SPD | FDP | Grieni | Linki1 | AfD | Suschtigi |
| 2016 | 29,8 % | 9,7 % | 13,6 % | 34,2 % | 2,3 % | 8,2 % | 2,3 % |
| 2011 | 42,8 % | 18,5 % | 8,2 % | 25,6 % | 1,6 % | 3,3 % | |
| 2006 | 48,5 % | 22,2 % | 11 % | 13,7 % | 2,4 % | 2,2 % |
1 2006: WASG, sit 2011: Die Linke
Städtpartnerschaft
Wirtschaft un Infrastruktur
Hinderzarte läbt vu Tourismus, Forst- un Weidewirtschaft, bitet im Summer Wandermöglichkeite. Wäge in dr ledschte Johre nimmi bestehender Schneesicherheit eignet sich Hinderzarte mit dri Skilifte un einige Kilometer Langlaufloipe numme fer dr Dagesskisport vu Friburg us.
Hinterzarten lit usserdem am Schwarzwald-Querwäg Friburg-Bodesee, wo vu Friburg im Brisgau nooch Konstanz füehrt un fer Fernwanderer attraktiv isch.
Verchehr
Verchehrsmässig isch Hinderzarte iber die vu Brisach nooch Lindau füehrend Bundesstross 31 oder iber die dr Schwarzwald längs durchlaufend B 500 (Triberg - Waldshuet) z'erreiche. Es git e Bahnhof mit Systemknote vu dr Hölledalbahn (Friburg - Doneeschige) wie au d'Buslinie SB 7216 iber dr Thurner nooch Chilchzarte. Im Nohverchehr giltet dr Tarif vum Regio-Verchehrsverbund Friburg.
Medizin
Mit dr Földichlinik, wo sich uf Lymphologi spezialisiert het un dr Naturchlinik in Oberzarte git's zwei Krankenhüser im Ort.
Bildig
In Hinderzarte git's e Grund- un Hauptschuel mit Werchrealschuel un s'privat betribe Internatsgymnasium Birklihof.
Remove ads
Kultur un Aluegenswürdigkeite
Musee
Im Hugehof isch sit 1997 s'Schwarzwälder Skimuseum beheimatet.
Sit 2004 git's im Ortsdeil Bruederhalde e Museum fer aldi Landtechnik, im 400 Johr alde Bankehof, wo aldi landwirtschaftlichi Gräte un Maschine usgstellt werre.
Naturdenkmoler
Sit 2000 git's e Naturerlebnispfad in Hinderzarte.
Sport
In Hinderzarte befindet sich die berüehmt Adlerschanze, wo s'jährlich Summerskispringe druf stattfindet. Näbe ere wittere Üebigsschanze un eme Tennis-Zentrum git's au e Loipezentrum.
Usserdem fangt do d'Churzstrecke-Etappe vum jährliche „Black Forest Ultra Bike“-Marathon a.
Sit 2003 isch Hinderzarte au Mitglid vum Nordic Walking Zentrum im Hochschwarzwald.
In Richtig vum Ortsdeil Alpersbe git's e alpins Skigebiit mit 3 Lifte, wo wäge dr in dr ledschte Johre allerdings hüfig fählende Schneesicherheit yberwigend im lokale Skilauf diene.
Regelmässigi Verastaltige
Näbe dr scho erwähnte jährliche Sportveranstaltige Summerskispringe un Ultra Bike Marathon, findet e wöchentliche Buremärkt statt.
Remove ads
Persönlichkeite
Söhn un Döchter vu dr Gmei
- Georg Thoma, * 20. August 1937, Siger in dr nordische Kombination bi dr Olympischen Spile 1960
- Dieter Thoma, * 19. Oktober 1969, Skispringer
witeri Persönlichkeite, wo mit dr Gmei in Verbindig sten
- Sven Hannawald, * 9. November 1974 in Erlabrunn, ehemoliger Skispringer, läbt sit einige Johre in Hinderzarde
- Otti Wilmanns, dydschi Botanikeri un Brofässeri fir Geobotanik, wù an dr Universideed Fryybeg gfoorschd ùn glèèrd hed, läbt in Hinderzarde
- Jörg Erb (1899-1975) isch z'Kirrzl gebore, het z'Hinderzarde gläbt un villi bekanndi Religionsbiächer gschriiwe.[3]
Remove ads
Bilder
Hinderzarte: Blick uf d'Chilche un d'Adlerschanze
D'Chilche vu Schnee bedeckt
Hinderzarte (um 1910)
D'Adlerschanze in Hinderzarte
Skilanglauf in Hinderzarte (um 1909)
Weblink
Fueßnote
Wikiwand - on
Seamless Wikipedia browsing. On steroids.
Remove ads