Jimmy Wales

Dr Jimmy Donal „Jimbo“ Wales, * 7. August 1966^[1] z'Huntsville, Alabama, USA) isch anno 2001 Gründer vu dr freie Enzyklopädi Wikipedia gsi un vu 2003 bis 2006 dr Vorsitzend vu dr Wikimedia Foundation.

Dr Jimmy Wales (2008)

Dr Jimmy Wales 2014 a de CeBIT Global Conferences, Wikipedia Zero

Im Oktober 2006 het er d'Leitig vu Wikimedia an d'Französi Florence Nibart-Devouard abgä. Gegewärtig het er im Wikimedia-Projekt d'Rolle vume chairman emeritus un isch in sällere Rolle witterhi au im Vorstand verträtte.

Anno 2004 het er zämme mit dr Angela Beesley s'Internetportal Wikia gründet.

Im Wales si Rolle in dr Wikipedia isch nit unumstritte, wie mer in dr Diskussione zu sinem Lemma uf diverse Wikisproche sähe cha. Uf ere humoristisch gmeinte Undersite vu sinere englische Nutzersite het dr Jimmy Wales d'Wikipedianer ufgforderet, si Namme in verschideni Sproche un Usdrucksforme z'ibersetze^[2].

Weblink

 Commons: Jimmy Wales – Sammlig vo Multimediadateie

• Blog vom Jimmy Wales (Englisch)
• im Jimmy Wales si englischi Anwendersite