Jungpaläolithikum

S Jungpaläolithikum bezäichnet dr jüngeri Abschnitt vo dr öirasische Altstäizit vo vor öbbe 40'000 Joor vor hüte bis zum Ändi vo dr letschte Chaltzit (Aafang vom Holozän) vor öbbe 11'600 Joor. In die Zit fallt d Iiwanderig vom „modärne Mensch" (Homo sapiens) in Middelöiropa.

S Dreiperiodesystem für dr europäischi Ruum
Holozän	Historischi Zit
	Iisezit
	Spooti Bronzezit
	Middleri Bronzezit
	Früehji Bronzezit
	Bronzezit
	Chupfersteizit
	Jungsteizit
	Middelsteizit/Epipal.
Pleistozän	Jungpaläolithikum
	Mittelpaläolithikum
	Altpaläolithikum
	Altsteizit
	Steizit

Menschligi Fossilräst

Dr „modärni Mensch“ isch in Öiropa zum erste Mol um 36'000 BP in dr Peștera cu Oase (Rumänie) mit Fossilfünd beläit.^[1] Zwüsche öbbe 38'000 und 30'000 BP häi paralleel zum iigwanderete Homo sapiens no Neanderdaaler in Öiropa gläbt.^[2] D Kultuure vo de spoote Neanderdaaler zelt mä no zur Perioode vom Mittelpaläolithikum, s Zitalter wo vor em Jungpaläolithikum cho isch. Die jüngste Fossilfünd vo Neanderdaaler stamme us Schbanie (z. B. Zaffaraja, Gibraltar), Kroazie (Vindija) und vo dr Krim-Halbinsle. D Iiwanderig vom Homo sapiens wird wäge de früeste Forme vom Aurignacien us em Nooche Oste und über e Kaukasus abgläitet.^[3]

Litratuur

• Gerhard Bosinski: Die große Zeit der Eiszeitjäger. Europa zwischen 40.000 und 10.000 v. Chr. Jahrbuch des Römisch-Germanischen Zentralmuseums Mainz. 34, 1987, S. 13–139.

Weblingg

• Wolfgang Weißmüller: Périgord and Austria-Moravia from 43000 to 18200 bp
• Jungpaläolithikum z Nittedorf