Klaus Baumgartner

Dr Klaus Baumgartner (* 21. Dezämber 1937 z Herzogebuchsi;^[1] † 10. Dezämber 2015^[2]) isch e Schwyzer Politiker (SP) gsi. Vo 1993 bis 2004 isch er Stadtpräsident vo Bärn gsi.

Läbe

Nach ere choufmännischen Uusbiudig het er uf em zweete Biudigswäg Wirtschafts- u Soziauwisseschafte studiert, het zum Dr. rer. pol. promoviert u het vu 1974 bis 1988 als Direktionssekretär bim Schwyzerische Bundesamt für Wonigswäse gschaffed. Vo 1977 bis 1988 isch er aus Verträter vor Soziaudemokratische Partei Mitglid vom Bärner Stadtrat gsi; 1987 isch er Stadtratspräsident gsi. 1989 isch er in Bärner Gmeindsrat gweut worde u het dört bis 1992 aus Fürsorg- u Gsundheitsdirektor gwirkt. Vo 1993 bis 2004 isch er Stadtpräsident gsi. Si Naafouger im Amt isch dr Alexander Tschäppät gsi.^[2]

Dr Baumgartner isch ghirate gsi u het zwei Ching gha.

Kwäuue

• Stadtpräsident Dr. Klaus Baumgartner tritt nochmals an. (Memento vom 15. Jänner 2013 im Webarchiv archive.is) Stadt Bärn, 23. Dezämber 1999 (Archiv-Version).
• Berner Stadtpräsidenten (Memento vom 4. Novämber 2011 im Internet Archive) uf g26.ch.

Weblink

• Bernhard Ott: Er wirkte lieber im Hintergrund. Nachruf in: Der Bund vom 10. Dezämber 2015.
• Janina Gehrig: Wie Klaus Baumgartner die Berner Stadtentwicklung prägte. In: Der Bund vom 10. Dezämber 2015.
• Klaus Baumgartner ist tot. Video in: TeleBärn vom 10. Dezämber 2015.