Kulturpreis der Stadt Basel

Dr Kulturbriis vo dr Stadt Basel wird jedes Johr an e Person, e Grubbe oder en Institution vergee, wo sich in bsundriger Wiis für s kulturelle Läbe z Basel engagiert und verdient gmacht het. Die baselstedtischi Regierig bestimmt dr Briisdreeger uf d Empfählig von ere Fachjury. Dr Briis isch mit 20’000 Franke dotiert.^[1] Zerst si d Abständ zwüsche de Vereleijige unregelmässig gsi, sit 1999 wird er jedes Johr vergee.

Dialäkt: Baseldütsch

Zum erste Mol isch dr Briis 1948 vergee worde, denn het er no Kunstbriis vo dr Stadt Basel gheisse. Dr Name isch 1995 gänderet worde, zum, wie s dr Basler Regierigsroot usdruggt het, «dem umfassenden Anspruch der Preisverleihung (Ehrung für die Verdienste um das kulturelle Leben Basels) Ausdruck zu verleihen»^[2].

Briisdreeger[3]

• 1948: Alfred Heinrich Pellegrini, Kunstmooler^[4]
• 1951: Siegfried Lang, Dichter
• 1952: Albert Moeschinger, Komponist
• 1955: Alexander Zschokke, Bildhauer
• 1958: Niklaus Stoecklin, Kunstmooler
• 1961: Carl Jacob Burckhardt, Künstler und Schriftsteller
• 1968: Walter Bodmer, Kunstmooler
• 1970: John Friedrich Vuilleumier, Schriftsteller
• 1972: Paul Sacher, Pionier vo dr Modärne, Neuentdecker vo alter Muusig und musikalische Erzieher
• 1974: Meret Oppenheim, surrealistischi Künstlere
• 1976: Rolf Hochhuth, Schriftsteller
• 1978: Klaus Huber, Komponist, Leiter vo dr Kompositionsklass vo dr Muusighochschuel Freiburg i.Br.
• 1980: Jean Tinguely, Plastiker
• 1982: Rainer Brambach und Hans Werthmüller, Lyriker
• 1984: Rudolf Kelterborn, Diräkter vo dr Muusig-Akademii Basel, Komponist, Dirigänt und Buechautor
• 1986: Irène Zurkinden, Moolere
• 1987: Theater «Spilkischte»
• 1988: August Kern, Filmpionier
• 1989: Heinz Holliger, Muusiker und Dirigänt
• 1990: Remy Zaugg, Kunsttheoretiker und Künstler
• 1991: Heinz Spoerli, Ballettdiräkter
• 1992: Christian Vogt, Fotigraf
• 1993: Jürg Wyttenbach, Komponist, Pianist und Dirigänt
• 1995: Werner Düggelin, Theatermacher
• 1997: Armin Hofmann, Plakatkünstler und grafische Gstalter
• 1999: Urs Engeler, Verleger und Werner X. Uehlinger, Muusigvermittler
• 2000: Peter Herzog-Wyss und Ruth Herzog-Wyss, Sammler vo historische Fotografie
• 2001: Fredy Heller, Leiter vom «Theater im Teufelhof»
• 2002: Klaus Littmann, Kulturvermittler
• 2003: Stadtkino Basel
• 2004: Peter Bläuer, Gründer und Leiter LISTE, the Young Art Fair
• 2005: Cathy Sharp, Dänzere, Compagnieleitere und Choreografin
• 2006: Galerie Stampa
• 2007: Urs Blindenbacher, Künstlerische Leiter vom «Jazzfestival Basel»
• 2008: Uwe Heinrich, Leiter vom «junges theater basel», Theaterpädagog und Dramaturg
• 2009: Sibylle Ott, Filmere und Kulturvermittlere, künstlerischi Leitere vom Basler «wildwuchs»-Festival für Behinderti und Nit-Behinderti
• 2010: Susanne Würmli-Kollhopp, Chorleitere an dr Muusigakademii vo dr Stadt Basel und Kulturvermittlere
• 2011: Matthyas Jenny
• 2012: Fritz Hauser, Musiker
• 2013: Alain Claude Sulzer, Schriftsteller
• 2014: Silvia Bächli, bildendi Künstlere
• 2015: Fabia Zindel, Disäinere
• 2016: Ulrich Blumenbach, Übersetzer
• 2017: Carena Schlewitt, künstlerischi Läitere vo de Kaserne Basel
• 2018: Radio X
• 2019: Roger Diener, Architekt
• 2020: Niki Reiser, Musiker
• 2021: Irena Brežná, Schriftstellere und Journalistin
• 2022: Les Reines Prochaines & Friends^[5]

Litraturbriis vo dr Stadt Basel

Zwüsche 1983 und 1996 isch barallel zum Kunstbriis au e «Litraturbriis vo dr Stadt Basel» an e Person oder Institution in dr Basler Litraturszene vergee worde. S Briisgäld het wie bim Kunstbriis 20’000 Franke bedrait.

Briisdreeger si gsi^[6]:

• 1984: Christoph Geiser
• 1986: Hansjörg Schneider
• 1987: Adelheid Duvanel
• 1988: Jürg Federspiel
• 1989: Urs Widmer
• 1990: Guido Bachmann
• 1992: Dieter Forte
• 1993: Lenos Verlag
• 1996: Werner Lutz