Kurt Zurfluh

Dr Kurt Zurfluh (* 4. Oktober 1949 z Lozärn; † 15. April 2017 uf Kuba)^[1] isch e Schwyzer Färnseh- un Radiomoderator gsii.

Lääbe

dr Kurt Zurfluh (rächts) im Interview mit em Bobpilot Beat Hefti (2012)

Dr Zurfluh isch z Brunne ufgwachse. Är het Verlagschaufmann glehrt^[2] un het anne 1970 sy Arbet as Redakteur un Moderator vu dr Sändig Regionaljournal Zentralschweiz bim Schwyzer Radio DRS aagfange. Bim Radio un bim Schwyzer Färnseh het er as Sportreporter un al Moderator vu Sändige wie Sportpanorama oder Sport aktuell gschafft un het verschideni Volksmusiksändifge bresändtiert. Zytwys isch er Ussemoderator bi dr Färnsehsändig Wetten, dass..? gsii.^[3] Von 1996 bis 2012 het er as Moderator un Redakteur vu dr Volksmusiksändig Hopp de Bäse! gschafft. No 270 Sändigen isch er im Juli 2012 in Pension gange.^[4] Anne 2014 het er e Comeback bim Zäntralschwyzer Färnsehsänder Tele 1 gee, wun er zwai Johr lang d Sändig unterwegs moderiert het.^[1] Är isch langi Johr Kolumnischt vu dr Zytig Zentralschweiz am Sonntag gsii.^[5]

Zletscht het er mit syre Lääbespartneri z Weggis gläbt.^[1] Är isch im Alter vu 67 Johr uf ere Kuba-Rais an akutem Häärzversagen un ere Lungenemboly gstorbe.^[6]

Weblink

• Abschied von Radio- und Fernsehlegende Kurt Zurfluh, 17. April 2017.
• So trauert die Schweiz um Kurt Zurfluh. mit Video glanz & gloria Spezial vom 17. April 2017 (53 min).