Linner Linde

D Lende vo Lenn (au Linner Linde) isch en alti Summerlende (Tilia platyphyllos), wo am Ortsiigang vo Lenn stoht. Si ligt, sit de Fusionierig vo Linn mit de Gmeinde Gallecherch, Under- und Oberbözberg, uf em Gmeindsbann vo Bözbrg im Kanton Aargau in de Schwiz.

au im Wappe vo Lenn isch d Lende

d Lende vo Lenn

Beschriibig

S Alter vom Baum isch nöd klar. Nach ere Legende isch er im 1668^[1] vom letzschte überläbende Lenner uf em Grab vo de Iiwohner vom Dorf pflanzt worde, wo an de Pescht gschtorbe si. Aber de Baum het e Stammumfang vo 11 Meter, isch also vermuetlich dütlich älter. Mit dem Stammumfang isch d Lenner Lende de mächtigscht Baum im Aargou, und er het e Höchi vo öppe 25 Meter.

Varia

D Lende vo Lenn isch i de dritte und vierte Folg vo de föifte Staffle en Schauplatz vom Schwizer Krimi «Der Bestatter». För de Film hät me äxtra s Gitter ewäg gno, eso dass de Totegräber Luc Conrad (gspillt vom Mike Müller) i di hohli Lende ine goh chan.^[2]

Literatur

• Viktor Wohler: Mathematisches zur Linner Linde. In: Mitteilungen der aargauischen Naturforschenden Gesellschaft. 22 (1945), S. 202–214 (online).
• Kurt Derungs: Baumzauber. Die 22 Kultbäume der Schweiz. Amalia. 2008. 192 Site. ISBN 978-3-905581-27-0.
• Conrad Amber: Baumwelten. Kosmos, Stuttgart 2015, ISBN 978-3-440-14594-4, S. 192.

Weblink

 Commons: Lende vo Lenn – Sammlig vo Multimediadateie

• Gemeinde Linn, Linner Linde – ein Ausflugsziel Artikel uf brugg-zurzach.regiomagazin.ch
• Schweiz: Pestlinde in Linn uf ZEIT ONLINE]
• Linner Linde – D Lende vo Lenn uf linnerlinde.ch