Litavis

D Litavis isch e Göttin vo de Kelte gsii, wo vo de Lingone zäme mitem Cicollos vereert woren isch.

Name

De Name werd as di Gallischi entsprechig vo indogerm. *Plth₂uih₂ f. „Wiiti, Erde“ aglueget (skt. Prthivī mātā; ae. Folde). De alt Name för d Erde het sich aber au i Ortsnäme erhalte und d Bretagne haisst uf Walisich Llydaw.

Vereerig

D Lingone hend e wichtigs Hailigtum im Ort Mediolanum (hüt: Mâlain) ghaa, wo de Mars Cicollos zäme mit de Litavis^[1] oder de Bellona^[2] gnennt werd. Drus use cha gschlosse werde, as d Litavis mit de römische Chrieggöttin gliichgstellt woren isch, ähnli wie de Cicollos mit em römische Chrieggott Mars. Allerdings passt die Gliichsetzig nöd guet zunere Erdgöttin.