Marching Band

Als Marching Band wörd è spezièlli Uusbräägig vom Blõsorcheschter bezeichnèt, dennè iri Mitglyder glychzitig musizyred un marschyred. D Größi vo Marching Bands variyrt zwûschè 20 un 150 Personè. D Bsetzig schlièßt i dè Regèl Blèchblõsinschtrumänt, Holzblõsinschtrumänt, Schlagzüüg un Percussion y. Mengi Marching Bands wörred durch Showtanzgruppè ergänzt, oft dräget d Musiger Uniformè.

Uffüürig von èrè amrikanischè Marching Band i dè Halbzit von èm Footballschpyl

Gschichtè

D Marching Band isch i dè USA nõch èm Ènd vom Bürgerchrièg uss Militärmusigè entschtandè. Ein vo dè Mitgründer isch dè John Philip Sousa gsi. D Stylrichtig vo dè Musig hèt sich am Aafang uff militärischi Marschlièder beloffè. Nõch èm Ènd vom Zweitè Wältchrièg sin mee brivati un schuèlischi Marching Bands gründet worrè. D Richtig vo dè modernè Marching Bands isch i dè 1960er Johr entschtandè. Well dè Styl vo dè modernè Marching Bands i dè USA vowurzlet gsi isch, sin vill Nämmè un Begriff ooni Übbersetzig uss èm Änglischè übbernõ worrè. Diè älteschti dütschi Marching Band ("The Sound of Frankfurt") isch schu i dè 60er Johr gründet worrè un bschtòt bis hüt. Neuerdings wörred Marching Bands zuènemmend uff Volksfescht ygsetzt, um populäri Musig un diè mit dè Marching Bands vobundeni Show darzbiètè.

Kennzeichè

S Repertoire vo Marching Bands bschtòt uss Kompositionè uss Pop, Blues, Marschmusig sowiè Oldtime Jazz. D Marching Bands erkennt mò hüt meischtens a dè Uniformè, un am Mix vo Musig- un Show-Elemènt.

Bsetzig

1. Rhûtmusgruppè: Percussion (bzw. Großi Drumlè, Quint, Marschdrumlè, Beggè un Pit - abber nu bi Field Shows z sää)
2. Holzbläser: Saxophoon, Klarinèttè, Quer- un Piccoloflötè
3. Blechblôser: Trombeetè, Mellophon, Posuunè, Tenorhorn, Euphonium, Sousaphon
4. Color Guard: Show Tänzer/in mit Flags, Rifles, Sabres un Botons
5. Drum Major: bschtòt uss eim odder meererè Drum Majors

Weblinggs

 Commons: Marching bands – Sammlig vo Multimediadateie

• Bands of America
• marching-band.net

Dä Artikel basiert uff ere fräie Übersetzig vu dere Version vum Artikel „Marching_Band“ vu de dütsche Wikipedia. E Liste vu de Autore un Versione isch do z finde.