Markus Spillmann

Dr Markus Spillmann (* 5. Oktober 1967^[1] z Basel^[2]) isch e Schwyzer Schurnalischt. Är isch vu 2006 bis 2014 Schefredaktor vu dr Zürizytig gsii.

Lääbe

Dr Spillmann het an dn Universitete Basel un Züri Gschicht, Bolitischi Wissenschafte un Volkswirtschaftslehr studiert. In dr Zyt vum Studium het er as Wärchstudänt bin ere Schwyzer Großbank im Beraich vu dr bolitischen un ekonomische Länderrisikoanalys gschafft.

Noch ere Zyt as Assischtänt an dr Universitet Züri isch dr Spillmann anne 1995 Inlandredaktor bim Badener Tagblatt wore. Im nämlige Johr isch er as Uuslandredaktor zue dr NZZ gwächslet. Ab em Friejohr 2002 het er bi dr nei lancierte NZZ am Sonntag s Ressort International glaitet un un isch Stellverdrätter vum Schefredaktor gsii. Ab April 2006 isch er Schefredaktor vu dr Neue Zürcher Zeitung^[3] un Laiter Publizischtik NZZ gsii. Im Dezämber 2014 isch sy Ruggdritt uf Ändi Johr bekannt gee wore.^[4]

Dr Spillmann isch ghyrote, Vater vu drei Chinder un läbt z Züri.^[3]

Literatur

• Markus Spillmann im Munzinger-Archiv (Artikelaafang frei abruefbar)

Weblink

• Markus Spillmann uf dr Websyte vu dr NZZ
• Markus Spillmann uf uf dr Websyte vu dr NZZ Mediengruppe
• Etienne Jornod: NZZ-Chefredaktor tritt ab. Ein profilierter Journalist geht. Neue Zürcher Zeitung, 9. Dezämber 2014.