Matthias Aebischer

Dr Matthias Aebischer (* 18. Oktober 1967 z Schwarzeburg; heimetberächtigt z Guggisberg) isch e Schwiizer Journalischt und Politiker.

dr Matthias Aebischer

Lääbe und Politik

Dr Aebischer het z Bäärn s Lehrerseminar bsuecht und vo 1988 bis 1990 z Ligerz als Schuelmäischter gschaffet. 1990 het er bim Radio Förderband als Journalischt agfange und isch zwöi Joor drufabe zum Schwiizer Radio ggange. Er het au als Redakter und Moderator bim Schwiizer Färnsee gschaffet. 2011 het er mit dene Arbeten ufghört, wil er i d Politik ggangen isch. Er het e Zyt lang a dr Uni Fryburg glehrt.

Im Oktober 2011 isch er füre Kanton Bäärn i Nationalroot gwäält worde, 2015 und au bi de Wahle 2019 und 2023 het me ne z Bäärn wider gwäält. Er isch bi dr SP.

Dr Matthias Aebischer läbt i dr Stadt Bäärn und isch mit dr Zürcher Nazionalröötin Tiana Angelina Moser vo dr GLP zäme.

Weblink

 Commons: Matthias Aebischer – Sammlig vo Multimediadateie

• Matthias Aebischer uf dr Websyte vo dr Bundesversammlig
• d Websyte vom Matthias Aebischer

Normdate: GND: 1234498944 | SUDOC/IdRef: 243977395 | VIAF: 67562239