Maud Bregeon

D’ Maud Bregeon [mod bʁeʒɔ̃] (* 11. Hornung 1991 z’ Poitiers) ìsch a frànzeescha Politikera vu dr Pàrtäi La République en Marche (LREM). Sa ìsch sitter 2020 Wortfiahrera vun LREM un sitter 2022 Àbgoordneta ìn dr Nàzionààlversàmmlung fìrs Département Hauts-de-Seine.

d’ Maud Bregeon ànna 2023

Dialäkt: Mìlhüüserdiitsch

ìhra Laawa un Kàrriar

D’ Maud Bregeon ìsch ànna 1991 z’ Poitiers ìm Wäschtfrànkrììch uff d’ Walt kumma. Sa hàt a Inscheniöörüüssbìldung àn dr Polytäcknischa Hoochschüal vu dr Uniwärsitäät vu Nantes bikumma.^[1] Sa ìsch Àtoom-Inscheniööra gsìì bii Électricité de France (EDF), wu sa Schpeziàlìschta fìr d’ Nootlààga gsìì-n-ìsch.^[2][3]

Ìm Septamber 2019 ìsch d’ Bregeon àls LREM-Kàndidààta fìr d’ Gmaindawàhl vu 2020 z’ Levallois-Perret ìm Département Hauts-de-Seine nominiart worra. Àm zwaita Wàhlgàng hàt sa zamma mìt’m Arnaud de Courson a gmainsààma Lischta-n-uffgschtällt,^[4] àwwer sìe sìnn vu dr Agnès Pottier-Dumas gschlààga worra. D’ Pottier-Dumas hàt àlso-n-em Patrick Balkany àls Bìrgermaischter noohgfolgt.^[5]

Ìm Nowamber 2020 ìsch d’ Bregeon zamma mìt dr Prisca Thevenot àls Wortfiahrera vu La République en Marche ärnännt worra.^[6][7]

Àn dr Pàrlàmantswàhl vu Jüüni 2022 ìsch d’ Maud Bregeon àls Àbgoordneta vum 13. Wàhlkrais vum Hauts-de-Seine gwählt worra, fìrs Pàrtäibìndniss Ensemble. Àm zwaita Wàhlgàng hàt sa 59,11 Prozant vu da Schtìmma geega dr Brice Gaillard (PS–NUPES) bikumma.^[8][9]

Weblìnks

• D’ Maud Bregeon ìn dr Àbgoordneta-Dàtabànk vu dr Nàzionààlversàmmlung (frànzeesch)