Messung

Mit ere Mässig macht mä e kwantitativi Ussaag über e Mässgröössi dur e Vergliich mit ere Maassäihäit.^[1] Drbii isch d Mässgröössi die füsikalischi Gröössi, wo mä will mässe.^[2] D Bezäichnige für d Mässtechnik wärde für Dütschland in dr DIN-Norm DIN 1319 definiert, für Ööstriich in dr ÖNORM M 1330.

E Meter mit Skaale in Santimeter und Inch

Dr Begriff «Mässig», wo in dr Füsik und de Ääscheniöörwüsseschafte gwaggse isch, wird au uf anderi Gebiet überdräit, bechunnt denn aber en andere Sinn über. D Vorstellig vom Mässe cha nit äifach uf d Sozialwüsseschafte überdräit wärde, wil Massäihäite in däm Sinn dört immer no feele.“^[3] Für dass mä dr Begriff drotzdäm cha verwände, wird in dr gliiche Kwelle definiert ass mä bim Mässe Objekt oder Eräigniss Zaale zueordnet, eso dass die Zueordnig e homomorfi Abbildig vom ene empirische in e numerischs Relativ isch.