Midwayinseln
From Wikipedia, the free encyclopedia
Remove ads
D Midwayinsle, au bekannt as Midway-Atoll, (hawaiisch: Pihemanu, änglisch Midway Islands oder Midway Atoll, [ˈmɪdweɪ]) si en Atoll im nördlige Pazifik, wo zu de Ussegebiete vo de Vereinigte Staate ghört, si aber e nit inkorporierts Territorium und wärde für statistischi Zwäck den United States Minor Outlying Islands zuegordnet.
Geographii
D Insle lige öbbe uf eme Drittel vom Wäg zwüsche Honolulu und Tokio und öbbe in dr Middi zwüsche Kalifornie und Japan, und vo do chunnt ihre Name. Si bestöhn us eme ringförmige Koralleriff mit eme Durchmässer vo öbbe 6 km. Si hai zwei Hauptinsle, Sand Island und Eastern Island, und mehreri chliini Inseli, wo Hundertduusigi vo Seevögel brüete. D Gsamtflechi vo de Insle bedräit 6,2 km², die vom Atoll mit dr Lagune öbbe 40 km².[1]
S Atoll im Überblick:
Sand Islet, wo uf mängge Charte am Nordrand vom Atoll iizeichnet isch, schiint e Phantominsle z si oder isch versunke, wil mä uf detaillierte Satellitebilder an däm Blatz nume Wasser gseht.
S Atoll isch geographisch e Deil vo de Nordwestlige Hawaii-Insle, ghört aber nit zum US-Bundesstaat Hawaii. Es git Besträbige, si em Staat azgliidere. Dr Ursprung vo de Midwayinsle isch - wie vo alle Insle in dr Inselchetti - vulkanisch.
D Midwayinsle si in dr Zitzone UTC −11 Stunden.
Remove ads
Bevölkerig
Ursprünglig si d Insle nid besiidlet gsi, hüte hai si öbbe 40 Iiwohner, die meiste si wüsseschaftligs Personal, aber kei permanänti Bevölkerig. 1978 si s no bis zu 2300 gsi, die meiste Militär- und Zivilaagstellti vom Marinestützpunkt vo dr United States Navy.
Litratur
- Edwin H. Bryan: American Polynesia and the Hawaiian Chain. 2nd revised and enlarged edition. Tongg publishing company, Honolulu HI 1942.
Weblingg
- Midway Atoll: National Wildlife Refuge (änglisch)
- Länderinformation
- Informatione über Midway inkl. Videos (änglisch)
Fuessnote
Wikiwand - on
Seamless Wikipedia browsing. On steroids.
Remove ads