Monica Gubser
From Wikipedia, the free encyclopedia
Remove ads
D Monica Gubser (* 17. Jänner 1931 z Züri; † 27. Februar 2019 z Soledurn[1]) isch e Schwyzer Bihne- un Filmschauspileri gsii.
Lääbe
D Gubser isch z Züri uf d Schauspiilschuel gange. Derno het si Engaschmänt iberchuu am Schauspiilhuus z Züri (no as Elevi), em Stadttheater Basel un am Theater Biel-Soledurn. Zletscht isch si freiberuefligi Schauspiileri gsii un uf verschidne Bihne, vor allem z Züri, aazdräffe gsii. Näb ere Hauptroll im Kinofilm Die Herbstzeitlosen het si au Rolle gspiilt in Lüthi und Blanc, Eurocops un andere Filmproduktione.
Ihri greschte Theaterrolle sin in ihre Zyt Biel-Soledurn d Antigone vum Sophokles un d Hermia us em „Summernachtsdraum“ gsii. Vu 1955 bis 1985 het si zäme mit ihrem Mann e Reschtaurant z Soledurn gfiert.[2] Um des Zyt het si mit dr Schauspiilerei pausiert, het si derno aber wider em Ensemble vum Städtebundtheater Biel-Soledurn aagschlosse. Ab 1990 het si au dr Märlibühni Züri un syt 1994 em Summertheater Winterthur aaghert. Zletscht het d Gubser z Zuchwil bi Soledurn gläbt. Si isch verwitwet un Mueter vu drei Sihn gsii.[1]
Remove ads
Filmografy (Uuswahl)
- 2002: Lüthi und Blanc (TV-Serie)
- 2005: Lago Mio
- 2006: Die Herbstzeitlosen
- 2012: Der Teufel von Mailand (TV-Film)
- 2013: Recycling Lilly
- 2015: Heidi
- 2015: Usfahrt Oerlike
- 2017: Die letzte Pointe (SRF)
Weblink
- Monica Gubser in dr Internet Movie Database
- Monica Gubser bei swissfilms.ch
Fueßnote
Wikiwand - on
Seamless Wikipedia browsing. On steroids.
Remove ads