D*r Nemo spiilt Gyyge, Klavier un Schlagzyyg^[6], het 2017 Soologsang im Profiil Jazz un Pop an dr Zürcher Hoochschuel vu dr Chinscht (ZHDK) studiert^[7] un isch bim Universal-Music-Group-Label Better Now Records un bi Universal Music Switzerland unter Verdraag.^[8] Zeerscht het d*r Nemo uf Schwyzerdytsch gsunge, isch derno aber zum Änglisch gwägslet.^[9]

D EP Clownfisch isch anne 2015 uf Blatz 95 vu dr Schwyzer Chart chuu,^[10] d Single Du 2017 uf Blatz 4 vu dr Schwyzer Chart.^[11] Anne 2021 isch d*r Nemo im Hees vun eme Panda bi dr zwoote Stapfle vu The Masked Singer Switzerland derbyy gsii un isch uf dr fimft Blatz chuu. 2024 het d*r Nemo bi dr fimfte Stapfle vu Sing meinen Song – Das Schweizer Tauschkonzert mitgmacht.

Eurovision Song Contest 2024

Bim Eurovision Song Contest 2024 z Malmö isch d*r Nemo mit em Lied The Code im zwaite Halbfinaale an Staart gange un het si fir s Finaale qualifiziert.^[12] Deert het d*r Nemo vor Rim Tim Tagi Dim mit Baby Lasagna (Kroazie) un Alyona Alyona & Jerry Heil mit Teresa & Maria (Ukraine) gwunne.^[13] D Nitbinariteet vu dr Gschläächter stoot im Mittelpunkt vum Lied The Code. Bim Faanenyyaluf vum Eurovision Song Contest 2024 het d*r Nemo effetli dr geel-wyss-lila-schwaarz nit-bineer Faane zaigt, wu d*r Nemo ooni Wisse vum Wettbewäärbsteam (wu nume Nazionaalfaane zuelosst un dernääbe dr Räägeboogefaane) yygfiert ghaa het. S isch dr dritt Siig fir d Schwyz no dr Lys Assia mit Refrain (1956) un dr Céline Dion mit Ne partez pas sans moi (1988).

Vor em ESC-Finaale isch The Code bi dr Vergaab vum Marcel-Bezençon-Bryys in dr Kategorie Chinschtler- un Kumpenischte-Bryys geert woore.^[14]

Diskografy

EP

2015: Nemos Clownfisch
2016: Momänt-Kids
2017: Fundbüro
2022: Whatever Feels Right

Single

2016: Himalaya
2017: Ke Bock
2017: Du
2017: Usserirdisch
2018: Kunstwärch
2018: Crush uf di
2019: 5i uf de Uhr
2019: 365
2019: Girl us mire City
2020: Dance With Me
2020: Video Games
2021: Chleiderchäschtli (mit KT Gorique)
2021: Certified Pop Queen
2022: lonely af
2022: own sh¡t
2022: f*ck love (mit Anthony de la Torre)
2022: be like you
2023: This Body
2024: The Code

Anderi

2017: Style (mit Marc Amacher)
2017: Singer (mit Dodo)
2019: Legend (mit Stress)
2021: HAILEY (mit Chelan)

Uuszaichnige

2017: Energy Music Awards – Kategory: «Bester Schweizer Künstler»^[15]
2017: Prix Walo Awards (44th) – Kategory: «Newcomer»^[16]
2017: Swiss Music Awards – Kategory: «Best Talent»^[17]
2018: Swiss Music Awards – Kategory: «Best Male Solo Act»^[18]
2018: Swiss Music Awards – Kategory: «Best Breaking Act»^[18]
2018: Swiss Music Awards – Kategory: «Best Live Act»^[18]
2018: Swiss Music Awards – Kategory: «Best Hit» (fir Du)^[18]
2024: Eurovision Song Contest – Marcel-Bezençon-Bryys in dr Kategorie Chinschtler- un Kumpenischte-Bryys (fir The Code)^[14]

Privaatlääbe

Karriere

Eurovision Song Contest 2024

Diskografy

Uuszaichnige

Literatur

Weblink

Fueßnote