Pennsylvania
From Wikipedia, the free encyclopedia
Remove ads
Pennsylvania (ängl. Ussprooch 
ˌpɛnsɪlˈveɪ̯nɪə̯(info), dütsch au Pennsylvanie) isch e Bundesstaat im Oste vo de Veräinigte Staate vo Amerika, wo vom von William Penn gründet worde isch, und isch äine vo de drizää Gründerstaate. Dr offiziell Naame isch Commonwealth of Pennsylvania („Gmäinwääse vo Pennsylvanie“). Zämme mit Nöi York und New Jersey wird Pennsylvania zu de Middelatlantikstaate zelt.
Dr Naame bedütet wörtlig „Im Penn sis Waldland“ (lat. silva „Wald“). Pennsylvania het dr Binaame „Keystone State“ (Schlussstäi-Staat, noch em zentrale käilförmige Stäi in dr Middi vom ene Booge).
Remove ads
Geografii
Pennsylvania gränzt im Oste an New Jersey, im Südoste an Delaware, im Süde an Maryland, im Südweste an West Virginia, im Weste an Ohio und im Norde an Nöi York und dr Eriesee. Dr Bundesstaat isch vo Norde uf Süde 274 km bräit und vo Oste uf Weste 455 km lang. D Flechi isch 119'283 km²; doodrvo si 116'075 km² Landflechi; 3'208 km² si Gwässeroberflechene, vo dene entfalle uf en Eriesee 1'940 km². Im Ganze isch Pennsylvania e bitz gröösser as Bulgarie. Dr höggst Punkt isch uf 979 Meter über em Meerspiegel uf em Mount Davis, wo noch sim Äigetümer benennt worde isch, eme Leerer, wo uf dr Site vo dr Union an dr Schlacht vo Gettysburg kämpft het. Dr niidrigst Punkt vo Pennsylvania lit uf Meereshööchi am Delaware River; die durchschnittligi Hööchi isch 336 m.[1]
Dr Hauptfluss im Land isch dr Susquehanna River. Pennsylvania isch brägt vo Laubwälder und Hügelland. Im Oste vom Land isch s Middelgebirg vo de Appalatsche.
Im Süde vom Bundesstaat lit dr archeologisch interessanti Usgrabigsort Meadowcroft.
Remove ads
D Bevölkerig
Pennsylvania het 12'418'756 Iiwooner (Stand: U.S. Census 2007), vo deene si 83,8 % Wissi, 10,4 % Afroamerikaner, 4,2 % Hispanics, 2,3 % Asiate, 0,1 % Indianer.[2]
Lidraduur
- Vincent P. Carocci: A Capitol Journey: Reflections on the Press, Politics, and the Making of Public Policy in Pennsylvania. Pennsylvania State University Press, University Park 2005, ISBN 978-0-271-05857-3 — Iigschränkti Vorschau uf books.google.de.
- Randall M. Miller, William A. Pencak (Hrsg.): Pennsylvania: A History of the Commonwealth. Pennsylvania State University Press, University Park 2002.
Weblingg
Fuessnoote
Wikiwand - on
Seamless Wikipedia browsing. On steroids.
Remove ads