PostAuto Schweiz AG

D PostAuto Schweiz AG isch e Schwiizer Undernähme, wo Bostautilinie bedriibt wo Bost und Persone druf dransportiert wärde. Si isch Deil vo dr Schwiizerische Bost und füehrt au d Gsellschafte z Frankriich und im Fürstedum Liechtestei. Sit em Februar 2005 het si en eigeni Rächtspersönlikeit und ihre Sitz isch z Bärn.

PostAuto Schweiz AG[1]
Unternähmensform	Aktiegsellschaft
Gründig	1906 / 2005 (AG)
Sitz	Bärn, Schwiiz
Leitig	Daniel Landolf
Mitarbeiter	1397 (2009); bi BostAuti-Undernähme: 1404
Umsatz	640 Mio CHF (2009)
Branche	Dransportundernähme
Produkt	Dransbort vo Persone und Bost
Uffdritt im Netz	www.postauto.ch

Postauto «Palm-Express» z Menaggio

Markierig vonnere Haltstell
mit de Kurs-Linie vo de Postauto

D PostAuto AG bedribt as konzessionierts Dransportundernähme in dr Schwiiz aktuell öbbe 800 Bostautilinie mit öbbe 2000 Bostauti. S Linienetz isch 10'429 km lang und jöhrlig wärde über 100 Millione Passagier beförderet. D Linie wärde äntwäder dur eiges Personal vo dr BostAuti Schwiiz AG oder dur öbbe 200 Bostautiundernähme im Ufdrag vo dr BostAuti Schwiiz AG mit ihrem eigene Personal bedriibe. D BostAuti Schwiiz AG beschäftigt öbbe 1400 Persone, wo noch brivaträchtligem Gsamtarbetsverdrag aagstellt si. Bi de BostAuti-Undernähme si öbbe 1400 Chaufföör aagstellt.

D BostAuti AG bietet umfassendi Dienstleistige im öffentlige, halböffentlige und brivate Personeverchehr mit Bus aa:

• BostAuti: Linieverchehr (Ortsverchehr, Regionalverchehr, Färnverchehr, Usflugsverchehr)
• PubliCar: Ruefbussystem in schwach besiidlete Gebiet
• ScolaCar: Chliibus für e Schüelerdransport
• Reise und Freizit: private Reisverchehr (Pauschalreise und Charterverchehr)