Rebstein

Räbschta (hochtütsch: Rebstein) isch a politischi Gmeind im Wahlkrais Rhintl im Kanton Sankt Galla am weschtliche Hang vom Rhintl.

Räbschta
Wappe vo Räbschta
Basisdate
Staat:	Schwiiz
Kanton:	St. Galle (SG)
Wahlchrais:	Rhintlw
BFS-Nr.:	3255i1f3f4
Poschtleitzahl:	9445
Koordinate:	761883 / 25212147.49.583338425
Höchi:	425 m ü. M.
Flächi:	4,26 km²
Iiwohner:	4906 (31. Dezämber 2022)[1]
Website:	www.rebstein.ch
en Blick vom Riet uf Räbschta en Blick vom Riet uf Räbschta
Charte
Charte vo Räbschta w

Geographii

D Nochbergmainde sind Marpa, Balga und Oberriet im Kanton Sanggalle, dezue chunnt Reute im Usseroodische.

d «Burg» z Räbschta

Wirtschaft

Ursprünglich isch z Räbschta – drum au de Ortname – hauptsächlich Wiibau betribe worde, bevor er im 19. Johrhundert vo de Stickerei verdrängt worde isch. Noch de Meloration vo de Rhiiebeni 1941 bis 1953 isch produktivi Flächi frei worde und d Landwirtschaft, wie au s Gwärb händ sich uf de Ebeni asidle chöne. Hüt wird uf insgesammt drüü Hektare Rebbau betribe.

D Bierbrauerei Sunnabräu us Räbschta isch die letscht Privatbrauerei im Sankt Galler Rhintl. D Züco, eini vo de füerende Bürodreistüel- und Sitzmöbelhärsteller, hät iren Hauptsitz z Räbschta.

Verkehr

Räbschta isch über de Baahof Räbschta-Marpa mit de Isebahn verbunde und wird dur d RTB Rheintal Bus mit mehrere Bushaltestelle bedient. Über d Autobahnuusfahrt Kriessera uf de A13 erreicht mer innert 10 Minuta d Ortsmitti.

Bevölkerig

Bevölkerigsentwicklig

Johr	1900	1940	1950	1960	1970	1980
Iiwohner	1'936	2'126	2'419	2'737	3'414	3'315
Johr	1990	1995	2000	2005	2010	2015
Iiwohner	3'568	3'952	4'067	4'181	4'294	4'431

Am 31. Dezember 2015 händ 4'431 Mänsche z Räbschta gläbt (2'252 männlich, 2'179 wiiblich). D Bevölkerig hät sech us 3'071 Schwizer Staatsaaghörige (dodevo sind 1'000 Ortsbürger, 2'541 sind Stimmberächtegti) und 1'360 ussländische Staatsaaghörige (30,69 %) zämmagsetzt. Noch da Religionszueghörigkait uftailt sind vo da Iiwohner 1'774 katholisch (40,04 %), 1'064 evangelisch-reformiert (24,01 %) und 1'593 anderi oder säbegi, wo a kä Konfession aagee händ (35,95 %).^[2]

Religion

Vo da erschta Hälfti vom 9. Johrhundert aa bis i di zwooti Hälfti vom 15. Johrhundert hät d Räbschter Bevölkerig zu da Georgspfarrai Marpa ghört, dänn händs uf em Dorfplatz z Räbschta a oagni Kapäll bout, wo am Hailiga Sebastian gwait woran isch. Um 1713 wört i da sogenannte «Akkordata» d Benützig vo da Kapäll för baidi Konfessione garantiert.^[3] 1782 händ di Reformierte a grossi Chercha bout, wo no hüt stoht und bruucht wört.^[4] Wil d Kapälla baufällig woran isch, händ 1886 o di Katholischa a Chercha bout, wo aber 1956 dor a Füür kabut gangan isch. Di hütig katholisch Chercha stammt us em Johr 1960.^[3] Sit 1996 gits z Räbschta a Moschee vo da islamisch-albanischa Gmainschaft «Al-Shems» (arabisch: Sunne), wo Muslime au us da umligende Dörfer go bsuecha chömed.^[5]

Weblink

 Commons: Rebstein – Sammlig vo Multimediadateie

• Offizielli Houmpeitsch vo Räbschta
• Wolfgang Göldi: Rebstein. In: Historisches Lexikon vo dr Schwiiz.
• Ortsfamilienbuch Rebstein (PDF-Datei; 122 kB)