Reitnau
e Gmeind im Aargou From Wikipedia, the free encyclopedia
Remove ads
Reitnou (amtlich Reitnau) isch e Gmeind im Bezirk Zofige vom Kanton Aargau.
Remove ads
Geografy
S Dorf Reitnou lyt im Suuretaal a dr Gränze zum Kanton Luzärn. Es stoot am Rand vo dr Ebeni und uf ere Moräne vom Gletscher us dr Yschzyt. S Land undedra a dr Suure isch s Suuremoos. Sid me d Suure ane 1923 in en grade Kanaal gleit het, isch das Gebiet Acherland. Im Weschte goot dr Gmeindbann übere Hügel bis is Üerketaal. D Strooss vo Reitnou i das Taal übere chunt oben a dr Moosersagi i das Taal abe. Uf em Hügelrugge am Hombärg sind Rodigsinsle mid de Puurehöf Grüterhof, Bärghof, Fäldlimoos und d Wüeschteburg.
S Dorf Attewiu isch ei Kilometer nördlech vom Zäntrum vo Reitnou. D Sidlige vo beidne Dörfer sind hüt zämegwachse.
Dr Suure noo goot di nazionali Welorute 3.
D Nochbergmeinde vo Reitnou sind – sid der Fusion mit Attewiu – Wilibärg und Staffelbach gäge Norde, Mooslerb im Oschte, Trienge im Süüde und Reide im Wiggertaal uf der Weschtsyte.
Remove ads
Gschicht
S Dorf isch als Reitinowa in ere Kwelle vo ane 1045 s erschte Mol erwäänt. Es isch en -Au-Name, wil s Dorf i der Nöchi vo der füechten Ebeni lyt.
D Chile vo der refermierte Pfarrei Attewiu-Wilibärg-Reitnou stoot uf ere Gländterrasse z Reitnou. Anne 1993 het mä archäologischi Räschten im Chileboden undersuecht, wo zeige, ass d Chile vo Reitnou scho im sibete Joorhundert als Eigechile vom ene Adelsgschlächt törft gründet worde sy;[2] der hüttig Bou isch usem 16. Joorhundert und der Chiledurm vo 1900. D Chile het mit em Dorf de Grafe vo Länzbrg ghört, wo d Ortschaft öppe 1045 em Chlooschter Schänis gschänkt händ. Im Middelalter isch s Dekanat Reitnou es grosses Gebiet vom Bischtum Konstanz gsi; s Land bis uf Aarau abe het derzue ghört. 1528 het Bärn au do d Refermazion duregsetzt.[3]
Sid 1965 git’s z Reitnou all Joor es Bärgrönne mit Rönnauto.[4]
Uf e 1. Jänner 2019 het sech d Gmeind Reitnou mit der alte Nochbergmeind Attewiu zämetoo; die nöi Gmeind heisst au Reitnou. Bschlosse worde isch die Fusion am 26. Novämber 2017 vo de Stimmberächtigte vo beidne Gmeinde.[5]
Remove ads
Literatur
- Christian Lüthi: Reitnau In: Historisches Lexikon vo dr Schwiiz.
Weblink
Fuessnoote
Wikiwand - on
Seamless Wikipedia browsing. On steroids.
Remove ads