Rotten

Vorlage:Infobox Fluss/NACHWEISE_aus

Dialäkt: Wallisertitsch

Rotte, Rhone Rhône
Flusslöif FlusslöifVorlage:Infobox Fluss/KARTE_fehlt
Date
Gwässerkennzaal	FR: V---0000
Laag	Schwiz, Frankriich
Flusssystem	RotteVorlage:Infobox Fluss/FLUSSSYSTEM_falsch
Quelle	Rhonegletscher 46° 34′ 27″ N, 8° 22′ 49″ O46.5741666666678.38038888888891753
Quellhöchi	ca. 1'753 m ü. M.Vorlage:Infobox Fluss/NACHWEISE_fehlen
Mündig	in s Mittelmeer43.3341666666674.84416666666670 43° 20′ 3″ N, 4° 50′ 39″ O43.3341666666674.84416666666670
Mündigshöchi	0 mVorlage:Infobox Fluss/NACHWEISE_fehlen
Höchiunterschiid	ca. 1753 m
Lengi	812 kmVorlage:Infobox Fluss/NACHWEISE_fehlen
Iizugsgebiet	95.500 km²Vorlage:Infobox Fluss/NACHWEISE_fehlen
Abfluss	MQ	1800 m³/s
Rächti Nääbeflüss	Saône
Linggi Nääbeflüss	Dranse
See won er / sii duure fliesst	Gämfersee
Groossstedt	Lyon
Mittelgroossi Stedt	Gämf, Avignon
Chliistedt	Sittu, Arles
Schiffbar	bis zur Mündig vo der Saône

Där Rottu (latiin. Rhodanus, franzesisch le Rhône; frankoprovenzalisch: Roûno, okzitanisch: Ròse, schrifttiitsch der Rotten odär die Rhone) isch än 812 km lange Fluss va Europa und där zweitlängschto und wassärrichschto Strom va Frankrich.

Namu

Där eiguntlicha ditscha Namu vannär Rhone, Rottu, isch numu no im Oberwallis gibrüchtä. Ds grammatikalischa Gschlächt vam Fluss isch im Latinischu („Rhodanus“), im Franzesischu („le Rhône“) und im Walserditschu („der Rottu“) männlich, was fär Fliss ehnär untypisch isch.

Na dum Fluss isch öi ds franzesischa Département Rhône binänts.

Där Rottulöif

Där Fluss äntspringt innär Schwiiz zoberscht im Goms am Rhonegletscher und mündut z Frankrich innär Nechi va Arles und Marseille immu Deltas ins Mittelmeer.

Vam Rhonegletscher im Nordoschtu vam Wallis fliässt är afangs im Taal gägu Südweschtu bi Brig, Vischp, Siders und Sittu verby. Z Martinach machut är än grobu 90-Grad-Bogu nach rächts (z Rottuchnew) und fliässt denn Richtig Nordu. Är ärgiässt schi z Le Bouveret inu Gänfärsee, wan är z Gänf widär värlaat. Nachär fliässt är dum Jura naa gägu Südu bis Culoz, wan är du Jura na Weschtu dürbricht. Bi Gordon machut är namal äs Chnüü gägu Nordweschtu.

Va Lyon äwäg fliässt är va Nordu gägu Südu. Bi Avignon isch sis Tal zwüsche de Alpille und em Platoo am Fluss Gardon. Nerdlich va Arles zwigt än Teil gägu Weschtu in d Petit Rhône, där Höüptaaru aber fliässt als Grand Rhône weschtlich va Marseille in ds Mittlmeer. Zwischu dä beidu Mündigsarmu ligt där Camargue, bikannt fär schini wissu Pferdi, schwarzu Rindär und fär d Sumpf- und Wassärvogla (vor allum d Flamingo, d Reihära und d Ibissa).

Vegetazioon

Em Rottu naa chomund vili Obschtsorte agipflanzti, so zum Bispil Pfärsecha, Chriässini, Ämbrichi, aber öi Tomate und Ärdbeerlini.

Z Rottutelli isch öi fär schini Wiibärga bikannts.

Rottukorrektür im Wallis

Va 1863 bis 1893 isch d erschta Rottukorrektur gmachuti cho. Där Fluss isch im Underwallis in ds Flussbett igleitä wordu, so dass d Äbni het cheni biwirtschaftut wärdu.

Inne Jahru 1930 bis 1960 hent sch di Dämm ärhecht und äs Dopplprofil agleit.

Fascht nur no bim Pfynwaald het dr Fluss es natürlichs Bett.

Na du Ubärschwämmige vam 2000 hent sch z Jahr mit dä Planige fär die drittuschta Korrektür agfangu. Ds Ziil isch d Sichärheit z ärhechu und du Fluss widär natirlichär z gstaltu. Im März 2016 hät dr Grossrot vom Wallis dr Plan vo dr 3. Rhonekorrekzioon agnoo.^[1]

Gresseri Stedt am Rottu

• Brig
• Sittu, d Hauptstadt vum Wallis
• Losann
• Gämf
• Lyon
• Vienne
• Valence
• Châteauneuf-du-Pape (Rotwiistat)
• Avignon
• Tarascon
• Arles, mit schinär Römärsidlig

Wichtigi Näbufliss

• Vispa
• Dranse
• Arve
• Ain
• Saône
• Isère
• Ardèche
• Durance
• Gard

Galerii

• 
  dä Rottugletscher 2005
• 
  dä Rottu im Oberwallis bi Steihüüs
• 
  dä Rottu kanalisiärt öschtlich va Sittu

Weblink

 Commons: Rottu - Rhone - Rhône – Sammlig vo Multimediadateie

• Jean-François Bergier: Rhone. In: Historisches Lexikon vo dr Schwiiz.
• Kajaktour Oberste Rhone uf kajaktour.de