Rorschach
From Wikipedia, the free encyclopedia
Remove ads
Roosche isch e Stadt im Kanton Sanggalle.
Remove ads
Geografy
Roosche isch e Gmeind vom Sanggaller Waalchrais Roosche. D Stadt lyt am Bodesee und do drmit au a dr Landesgränze vo dr Schwiiz. Bim Hafe vo Roosche isch dr süüdlichschti Punkt vom ganze See.
S Stadtgebiet isch ganz chly, es het nume wenig meh als anderthalb Kwadratkilometer. Roosche isch drfüür es starchs Zäntrum von ere Agglomerazioon em Seeufer noo, wo öppe 25'000 Ywooner het. Do drzue ghöret die diräkte Nochbergmeinde, wo ringsume sind: Rorschacherbärg und Goldach, und dänn no Alterhy, Tübach und s tuurgauische Dorf Hoorn, wo als tuurgauischi Exklaafe im Sanggaller Kantonsgebiet lyt..
D Stadt lyt im schmale Ufergebiet unden am Bärg vom Füüfländerblick.
Remove ads
Gschicht
Roosche isch im ene Dokumänt vo anne 850 zäme mit Goldach s erschte Mol gnänt. Dr Ortsname isch zämegsetzt us de zwöi alte düütsche Wörter rōr, wo “Schilf” bedüütet, und scahho, also “Schache.”
Anne 947 het s Chlooschter Sanggalle vom König Otto em Erschte s Rächt vom Märt, s Münzregal und dr Zoll vo Roosche übercho. Dr Ort am See isch also eine vo de eltischte Märtplätz i dr Oschtschwiiz.
Im 15. Joorhundert isch s Chlooschter Mariabäärg bi Roosche bout worde; do drin isch hüt die Pädagogischi Hochschuel vom Kanton Sanggalle.
Remove ads
Wirtschaft
Grösseri Undernääme z Roosche sind:
- d Zollern-Mimtec AG
- d Würth
- d Frisco-Findus AG
- d Brauerei Lööwegarte
- d Konsärvefabrigg ROCO
- d Aluminiumfabrigg
- d Feldmühle AG
Vercheer
Roosche het en Seehafe, en Baanhof a dr internazionale Ysebbanlinie vo Sanggalle uf Bregänz und uf Chur, dr Baanhof vo de Hääde-Bärgbaan. D Autobaan A 1 goot nid dur s Stadtgebiet, sondern ussedure dur s Piet vo Rorschacherbärg.
Bilder
s Chornhuus
am See
s Pestalozzischuelhuus
s Chlooschter Mariebäärg
en alti Poschtchaarte vo Roosche (1010)
.jpg)
Literatur
- Lorenz Hollenstein: Rorschach. In: Historisches Lexikon vo dr Schwiiz.
Weblink
Fuessnoote
Wikiwand - on
Seamless Wikipedia browsing. On steroids.
Remove ads