Scheunen

Schüne (amtlech Scheunen) isch en Ortschaft ir politische Gmeind Jegischtorf im Verwautigs-Chreis Bärn-Mittuland vom Kanton Bärn ir Schwyz.

Scheunen
Wappe vo Scheunen
Basisdate
Staat:	Schwiiz
Kanton:	Bärn (BE)
Verwautigschreis:	Bärn-Mittulandw
Gmeind:	Jegischtorfi2
Poschtleitzahl:	3305
Koordinate:	601407 / 21303747.0683537.457151575
Höchi:	575 m ü. M.
Flächi:	2,2 km²
Iiwohner:	76 (31. Dezember 2012)
Schüne Schüne
Charte
Charte vo Scheunen w

Geografi

Schüüne isch vor de Fusion di chliischt Bärner Gmeind gsii u ligt uf em Rapperswiler Plateau. D Gmeindsflächi het us 45,2 % langwirtschaftlecher Flächi, 51,1 % Waud u 3,7 % Sidligsflächi bstange.^[1] D Nachbergmeinde si Etzukofe, Ifwiu, Bangerte u Rapperswiu im Kanton Bärn sowie Messe im Kanton Soledurn gsii. Dur d Fusion mit Jegischtorf isch s Gebiet vo Schüüne en Exklave vo Jegischtorf worde.

Gschicht

Schüüne isch zum erschte Mal gnennt worde im Jahr 1226 aus Schunon. Im Johr 1911 si di damalige Gmeinde Oberschüüne (Jegischtorf-Schüüne) u Schüüne (Messe-Schüüne) per Dekret zur Gmeind Schüüne zämegschlosse worde. Vo da här si im Wappe o zwe Schüüne zgsee. Im Jahr 2007 isch d Kanzleiarbet vor Gmeind Schüüne dr Gmeindschriberei Ifwiu übergee worde. Bis zum 31. Dezämber 2009 het Schüüne zum Bezirk Froubrunne ghört u nähär zum Verwautigs-Chreis Bärn-Mittuland.

Am 1. Jänner 2014, auso mee aus 100 Johr nach dr erschte Fusion, het Schüüne u Münchringe mit de Gmeind Jegischtorf fusioniert. Chirchlech hei di reformierte Lüüt vo Oberschüüne scho voredhär zur Chilegmeind Jegischtorf ghört. Wäge däm het me Oberschüüne äben o Jegischtorf-Schüüne gnennt – im Gegesatz zu Messe-Schüüne, wo chirchlech zum Soledurnische Messe ghört.^[2] Ire Fridhof hei si aber beidi bis i d 1990er-Jahr z Bangerte gha, wo zur Bärner Chilegmeind Rapperswiu ghört. Sider beärdige die vo Messe-Schüüne ihri Tote z Messe u di angere vo Oberschüüne gö uf e Fridhof vo Jegischtorf.^[3]

Ywohner

Quäuue: Bundesamt für Statistik 2005^[4]

Jahr	1850	1860	1870	1880	1888	1900	1910	1920	1930
Ywohner	118	134	130	111	123	96	94	107	94
Jahr	1941	1950	1960	1970	1980	1990	2000	2005	2010
Ywohner	75	78	66	71	73	64	57	72	78

Dr Uusländeraateil isch 2010 bi 4,9 % gläge.^[1]

Religion

94,7 % vo de Ywohner si evangelisch-reformiert, 1,8 % si römisch-katholisch (Stang 2000).^[1]

Politik

Bi de Nationauraatswahle 2011 het s das Ergebnis ggää:^[1] BDP 13,6 %, CVP 1,2 %, EVP 0,1 %, FDP 0,0 %. GLP 1,0 %, GP 2,1 %, SP 0,1 %, SVP 80,7 %, Suschtigi 1,2 %.

Gmeindspresidäntin vo Schüne isch d Barbara Zurbuchen gsii (Stang 2013).

Wirtschaft

D Arbetslosigkeit isch im Jahr 2011 bi 0 % gläge.^[1]

Sprach u Dialäkt

Bir Vouchszeuuig 2000 hei auui 57 Ywohner Dütsch aus Houptsprach aaggää.^[1]

Dr bärntütsch Dialäkt vo Schüne ghört zum Hochalemannisch.

Weblink

 Commons: Scheunen – Sammlig vo Multimediadateie

• Anne-Marie Dubler: Schüne. In: Historisches Lexikon vo dr Schwiiz.