Schlatt-Haslen

Schlatt-Hasle ischt e politischi Gmeend (me sääd offiziöll Bezirk) im Kantoo Appezöll Inneroode i de Ostschwiz.

Schlatt-Haslen
Wappe vo Schlatt-Haslen
Basisdate
Staat:	Schwiiz
Kanton:	Appezell Innerrhode (AI)
Bezirk:	(Bezirk ond Gmeend sönd identisch)
BFS-Nr.:	3104i1f3f4
Poschtleitzahl:	9050 Appenzell Enggenhütten 9050 Appenzell Schlatt 9054 Haslen AI
Koordinate:	747895 / 24693647.3566699.396383740
Höchi:	740 m ü. M.
Flächi:	17,9 km²
Iiwohner:	1108 (31. Dezämber 2022)[1]
Website:	www.schlatt-haslen.ch
Charte
Charte vo Schlatt-Haslen www

Ortsgliderig

Schlatt-Hasle umfasst s Gebiet zwöschedd de Hondwiler Höchi und em Rotbach mit de Döefe Hasle (740 m ü. M.), Schlatt (921 m) und Enggehötte (750 m).

Zu Hasle ghöet sit em Joor 1877 o e Exklave im Kantoo Appezöll Osseroode i de Gmeend Tüüfe, s Chlooste Wonnestää.

Geschicht

De Bezirk Schlatt-Hasle ischt 1872 os de Rhode Schlatt ond em Dorf Hasle entstande.

Name

Me säät Schlatt chämm vo «Slatte»: Bodesänkig oder Abhang, ond Hasle chämm vo «Haslowe»: Au oder wasserriichs Wisland met Haselstuude.

Bevölkerig

Quelle: Bundesamt für Statistik 2005^[2]

Bevölkerigsentwicklig

Joor	1880	1900	1950	2000	2010
Iiwohner	1417	1383	1329	1146	1135

Bsondrigs zom Aaluege

Di nöiromaisch Pfachölche «Maria Hilf» z Hasle ischt 1901 bout worde. Si häd dröninn e Böld vo de Muettegottes mit em Jesuschend, vemuetlech e Kopii vo de Passauer Madonna. Di nöibarock Chölche im Schlatt obe ischt 1911/12 bout worde ond häd o a Mariaböld dinna, säb häässt «Maria vom Guten Rat». Beed Gotteshüüser sönd vom August Hardegger, eme Sanggaller Archidekt, plaanet worde. Es sönd hüt beeds Wallfahrtschölchene. Z Enggehütte, wo westlich vo de Settere liid, stood set 1670 d Kapöll St. Peter und Paul.

• 
  Maria Hilf z Hasle
• 
  Sankt Josef im Schlatt obe
• 
  S Inner vo de Chölche im Schlatt
• 
  S Deckegmäld i de Schlatter Chölche

Literatur

• Rainald Fischer: Die Kunstdenkmäler des Kantons Appenzell Innerrhoden. Das Innere Land: Haslen. Birkhäuser AG, Basel 1984, ISBN 3-7643-1629-2. (= Die Kunstdenkmäler der Schweiz, Band 74.) S. 420–430.
• Rainald Fischer: Die Kunstdenkmäler des Kantons Appenzell Innerrhoden. Das Innere Land: Schlatt. S. 436–441.
• Rainald Fischer: Die Kunstdenkmäler des Kantons Appenzell Innerrhoden. Das Innere Land: Schlatt-Haslen. S. 495.

Weblink

 Commons: Schlatt-Haslen – Sammlig vo Multimediadateie

• Offizielli Website vom Bezirk Schlatt-Hasle
• Kantonali Site vom Bezirk Schlatt-Hasle
• Achilles Weishaupt: Schlatt-Haslen In: Historisches Lexikon vo dr Schwiiz.