Sempach
e Gmeind im Kanton Lozärn From Wikipedia, the free encyclopedia
Remove ads
Sämpech (amtlech Sempach) esch e politischi Gmeind im Wahlchreis Soorsi im Kanton Lozärn, Schwiiz.
Sämpech gchennt mer i der ganze Schwiiz, wil do di Schwiizerisch Vogelwaarte Sämpech esch.
Remove ads
Geografi
Sämpech liid am Südoschtend vom Sämpechersee. Zue dr Stadt ghört ou no dr Wiiler Kirchbühl (573–581 m ü. M.). Vo dr Gmeindsflechi send 68,7 % landwirtschaftlechi Flechi, 14,5 % Waud, 16,3 % Sidligsflechi ond 0,4 % süschtigi Flechi.[3] Nachbergmeinde vo Sämpech send Eich, Höudisriede, Möischter ond Nöiechöuch.
Gschicht
Sämpech esch zom erschte Mou im Johr 1150 i de Acta Muresia gnamsed worde, em Bsetzverzeichnis vom Chlooschter Muri. Am 9. Juli 1386 hed do bi Sämpech di glichnamig Schlacht stattgfonde, ond em Johr 1393 esch do de Sempacherbrief uusghandlet worde.
Bevölkerig
Quälle: Bundesamt für Statistik 2005[4]
| Jahr | 1850 | 1860 | 1870 | 1880 | 1888 | 1900 | 1910 | 1920 |
| Iiwohner | 1086 | 1084 | 1109 | 1171 | 1092 | 1028 | 1145 | 1180 |
| Jahr | 1930 | 1941 | 1950 | 1960 | 1970 | 1980 | 1990 | 2000 |
| Iiwohner | 1248 | 1229 | 1308 | 1345 | 1619 | 2237 | 3096 | 3483 |
Dr Uusländeraateil esch 2014 bi 7,4 % gläge.[3]
Religion
76,9 % vo de Iiwooner send im Johr 2000 römisch-katholisch gsii, 13,9 % evangelisch-reformiert.[3]
Politik
Bi de Nationaurootswahle 2015 hed s das Ergebnis ggää:[3] BDP 1,4 %, CVP 29,4 %, FDP 20,1 %, GLP 5,8 %, GP 6,4 %, SP 10,6 %, SVP 20,2 %, Süschtigi 6 %.
Dr Gmeindspräsident vo Sämpech esch dr Franz Schwegler (Stand Februar 2016).
Wirtschaft
Em Johr 2011 send 1,1 % arbetslos gsii.
Sprooch ond Dialäkt
Bi dr Vouchszellig 2000 hend vo de 3483 Iiwohner 93,8 % Tüütsch aus Houptsprooch aaggää, 0,6 % Französisch, 0,4 % Italienisch ond 5,2 % anderi Sprooche.
Z Sämpech redt me s hochalemannisch Lozärntütsch.
Literatuur
- Waltraud Hörsch: Sempach In: Historisches Lexikon vo dr Schwiiz.
Weblink
Fuessnote
Wikiwand - on
Seamless Wikipedia browsing. On steroids.
Remove ads