Simon Stocker
From Wikipedia, the free encyclopedia
Remove ads
Dr Simon Jörg Stocker (* 2. Mai 1981 z Schafuuse; haimetberäächtigt z Tääinge) isch e Schwyzer Bolitiker (SP). Är isch vu Dezämber 2023 bis Meerz 2025 Mitgliid vum Ständeroot gsii.
.jpg)
Familie, Uusbildig un Beruef
Dr Simon Stocker het an dr Zürcher Hoochschuel fir Aagwändti Wisseschafte Soziaali Aarbet studiert.[1] Bis 2024 het er in ere Co-Laitig d Fachstell Altersbolitik vum Verain Gerontologie CH glaitet.
Dr Stocker isch syter 2020 ghyroote.[2] Är läbt z Schafuuse, sy Frau un sy Suun lääbe syt Juni 2024 au deert.[3] Voorhäär sin si z Züri gwoont.
Bolitik
Anne 2003 het dr Simon Stocker zue de Gridigsmitgliider vu dr Alternatiive Lischt Schafuuse gheert.[4] Fir die Bartei isch er vu 2007 bis 2012 im Grooße Stadtroot (Legislatiiv) vu dr Stadt Schafuuse ghockt. 2013 isch er in Stadtroot (Exekutiiv) gweelt woore un isch druf bis zue sym Ruggdritt anne 2020 fir s Soziaal- un Sicherhaitsreferaat zueständig gsii.[2][5] Wu di Alternatiiv Lischt Schafuuse aafangs 2022 ufgleest wooren isch, isch dr Stocker dr Soziaaldemokraatische Bartei byydrätte, wu iin as Ständerootskandidaat fir d Wahlen 2023 nominiert het.[6][7] Am 19. Novämber 2023 isch er im zweete Waalgang in Ständeroot gweelt woore, dr bishäärig Ständeroot Thomas Minder isch abgweelt woore.[8]
Geege d Waal vum Stocker in Ständeroot fir dr Kanton Schafuuse hän zwai Stimmbuurger e Beschwäärde yygee wäg sym Woonsitz: Dr Stocker heeb zum Zytpunkt vu dr Waal sy Lääbesmittelpunkt z Züri ghaa. Dr Schafuuser Regierigsroot het die Beschwäärde abgläänt,[9] dr Wyterzuug vu aim Stimmbuurger ans Schafuuser Oobergriicht isch au abgläänt woore.[10] Dur het dr Stimmbuurger där Fall ans Bundesgriicht wyterzooge.[11] Des het an 24. Meerz 2025 d Waal vum Stocker in Ständeroot fir uugiltig erkleert. Dr Stocker het doodermit per sofort sy Mandaat verloore.[12] Iiber dr vakant Ständerootssitz wird in ere Neiwaal entschiide, voruussichtli am 29. Juuni 2025. Dr Stocker het scho sy Kandidatuur verchindet.[13] S Urtdail het kai Uuswiirkige uf d Amtshandlige vu iim as Ständeroot; si sin nit nichtig un au nit aafäächtbaar (Wiirkig ex nunc).[12]
Remove ads
Weblink
- Websyte vum Simon Stocker
- Simon Stocker uf dr Websyte vo dr Bundesversammlig
Fueßnote
Wikiwand - on
Seamless Wikipedia browsing. On steroids.
Remove ads