Simonswald

Simeschwald (amtlich Simonswald) isch e Gmei im Simeschwälder Dal, eme Deil vum Naturpark Südschwarzwald im Südweschte vu Bade-Württeberg im Landkreis Emmedinge, öppe 25 km nordöschtlich vu Friburg im Brisgau.

Wappe	Ditschlandkart
	48.1002777777788.0558333333333360
Basisdate
Dialekt:	Alemannisch
Hauptvariante:	Nideralemannisch
Regionalvariante:	Oberrhialemannisch (Schwarzwald)
Lokalvariante:	Elztälerisch
Bundesland:	Bade-Wirttebärg
Regierungsbezirk:	Friburg
Landkrais:	Emmedinge
Heh:	360 m i. NHN
Flech:	74,3 km²
Iiwohner:	2936 (31. Dez. 2024)[1]
Bevelkerungsdicht:	40 Iiwohner je km²
Boschtlaitzahl:	79263
Vorwahl:	07683
Kfz-Kennzaiche:	EM
Gmeischlissel:	08 3 16 042
Gmaigliderung:	7 Ortsdeil
Adress vun dr Gmaiverwaltung:	Talstraße 12 79263 Simeschwald
Webpräsenz:	www.simonswald.de
Burgermaischter:	Stephan Schonefeld
Lag vu dr Gmei im Landkreis Emmedinge
Karte

Geographi

Die lang gstreckt, mehrkernig Gmei Simeschwald umfasst nohzue die gsamt guet besidelbar Dalflächi entlang an dr Wilde Guetich. Sällere ihr Dal wird menkmol insgsamt as Simeschwälder Dal bezeichnet. Es mündet bi Guetich im Brisgau in s'Dal vu dr Elz.

Dr Ortsdeil Simeschwald lit gröschtedeils im Dalgrund uf öppe 300 m ü. NN. Dalufwärts entlang an dr Wilde Guetich lige witeri Ortsdeile vu dr Gmei. Uf Nordoschte un Südweschte hi zwige vum Hauptdal zahlrichi, deils besidelti Näbedäler ab. In Obersimeschwald wird s'Dal enger un fangt a in Richtig Südoschte uf d'Schwarzwaldhöchene z'stige. D'Gemarkig vum Ortsdeil Obersimeschwald am Oberlauf vu dr Wilde Guetich erstreckt sich bis zum Gipfel vum Brend uf 1150 m ü. NN.

(Zue dr Geographie lueg au: Guetich (Elz).)

Gschichte

Simeschwald isch erschtmols anno 1178 urkundlich erwähnt worre.

Politik

Wahle

Ergebnis vo dr Landdagswahle sit 2006:^[2]

Johr	CDU	SPD	FDP	Grieni	Linki1	AfD	Suschtigi
2016	36,3 %	7,2 %	6,6 %	31,1 %	1,4 %	12,8 %	4,6 %
2011	47,1 %	15,8 %	3 %	25,7 %	1,7 %		6,6 %
2006	61,4 %	15,1 %	7,4 %	11,1 %	2,1 %		3 %

¹ 2006: WASG, sit 2011: Die Linke

Wappe

Vor eme links gäle un rechts wisse Hindergrund stehn drei grüeni Baim uf eme rode Dreiberg.

Gmeipartnerschafte

Sit 1997 bestoht e Partnerschaft mit dr Gmei Worthing an dr englische Südküschte.

Wirtschaft un Infrastruktur

Simeschwald isch e staatlich anerkennte Erholigsort, wo sich bsunders durch si reizmilds Klima uszeichnet.

Verkehr

Durch die ganz Gmei verlauft über 17 km d'L173, wo als Deil vu dr Dütschi Uhrestross vu dr B294 z'Guetich zue dr B500 (Schwarzwaldhochstross) bi Furtwange-Neueck verlauft.

Uf sällere Stross lit au d'Buslinie 7272 vu dr Südbadenbus GmbH (SBG) vu Waldkilche über Guetich un Simeschwald uf Furtwange, wo in Guetich-Blibich un z'Waldkilche Aschluss uf d'Elzdalbahn het.

Kultur un Sähenswürdigkeite

Musee

S'Dorfmuseum Jockehof findet sich ime alde Bürehof in dr Ortsmiddi vu Obersimeschwald. S'historisch Hüs isch um 1640 baut worre. D'Sammlig zeigt hauptsächlich Gerätschafte, wo im Simonswälderdal zum Isatz kumme sin.

Naturdenkmoler

E sähenswerts Naturschauspil stelle d'Zweribachwasserfäll dar. Sie lige midde ime numme z'Fuess vom Ortsdeil Wildguetich erreichbare Naturschutzgebit.

Dr Simeschwälder Mühlewanderwäg füehrt vum Ortskern us insgsamt 6 km un 150 Höchemeter über Haslesimeschwald vorbi an historische Schwarzwaldmühlene.