Simplicius

Dr hailig Simplicius (* z Tivoli, Italie; † 10.Merz 483 z Rom) isch vum 3. Merz 468 bis 10. Merz 483 Patriarch vu Rom un Papscht gsii.

Lääbe un Wirke

Är isch z Tivoli as Suhn vun eme Burger mit Name Castinus uf d Wält chuu. Sy Name maint „dr Aifach“ (lat..).

Dr Simplicius het dr Entschaid vum Konzil vu Chalcedon gege di miaphysitisch Häresy verdaidigt, het dr Mänsche z Italie gege d Germane ghulfe, wu Rum eroberet hän, un isch anne 472 in e Händel mit e Chaser Anthemius grote. Är isch Zyyg vu dr Revolte vu dr foederati 476 un dr Uusruefig vum Odoaker zum rex Italiae wore, wu churz druf s Änd vum Weschtremische Chaiserdum chuu isch mit dr Absetzig vum letschte remische Chaiser Romulus Augustulus dur dr Odoaker.

Sy Mahndag (kadolisch) isch dr 10. Merz.

Literatur

• Maria Cristina Pennacchio: Simplicio In: Enciclopedia dei Papi. Rom 2000.
• Josef Rist: Simplicius, Papst. In: Biographisch-Bibliographisches Kirchenlexikon (BBKL). Band 10, Herzberg 1995, ISBN 3-88309-062-X, Sp. 482–484.
• Ytrag in d Catholic Encyclopedia, Robert Appleton Company, New York 1913 (änglisch)

Weblink

 Commons: Simplicius – Sammlig vo Multimediadateie

Vorgänger	Amt	Nachfolger
Hilarius	Papscht 468–483	Felix II.

Normdate: GND: 119221314 | LCCN: n2004022573 | VIAF: 232105749

Dä Artikel basiert uff ere fräie Übersetzig vu dere Version vum Artikel „Simplicius“ vu de dütsche Wikipedia. E Liste vu de Autore un Versione isch do z finde.