Sternenberg ZH

Schtèèrnebèèrg, elter Schtèènebèèg (amtlich Sternenberg), isch es Doorf i de politische Gmäind Baume im Bezirk Pfäfike im Schwizer Kanton Züri.

S ZH im Lemma isch s offiziell Chürzel vom Kanton Züri und wird bruucht, zum Verwächslige mit Yträäg vom Name Sternenberg vermyde, wo öppis anders meined.

Sternenberg
S Wappe vo Sternenberg
Basisdatä
Staat:	Schwiiz
Kanton:	Züri (ZH)
Bezirk:	Pfäffikew
Gmeind	Baume
PLZ	8499
Koordinate:	711578 / 24941547.386118.916385870
Höchi:	870 m ü. M.
Flächi:	8,75 km²
Iiwohner:	351 (31. Dezember 2013)[1]
Schtèèrnebèèrg Schtèèrnebèèrg
Charte
Charte vo Sternenberg w

Geografii

Schtèèrnebèèrg liit im Züri-Oberland, im Hügelland nordweschtlich vom Hörndli, uf rund 900 m ü. M. und isch dodemit di högschtglägni Gmäind vom Kanton gsii. S Piet vo der ehemolige Gmäind hät 39,1 % landwirtschaftlichi Flèchi, 56,1 % Wald, 2,7 % Sidligsflèchi, 1,7 % Vercheersflèchi und 0,1 % Gwässerflèchi umfasst.^[2]

Gschicht

Schtèèrnebèèrg isch zum eerschte Maal im Jaar 1706 als Sternenberg gnamset woorde. Uf de 1. Januaar 2015 hät sich Schtèèrnebèèrg de Naachbersgmäind Baume aagschlosse.

Bevölkerigsentwicklig

Quäle: Bundesamt für Statistik 2005^[3]

Joor	1850	1860	1870	1880	1888	1900	1910	1920
Iiwoner	1342	1101	975	889	798	709	612	533
Joor	1930	1941	1950	1960	1970	1980	1990	2000
Iiwoner	540	513	464	364	315	273	349	349

De Ussländeraatäil liit bi 6 % (Stand 2011).^[2]

Religion

55,6 % vo de Iiwoner sind evangelisch-reformiert, 16,2 % sind römisch-katholisch (Stand 2011).^[2]

Politik

Bi de Kantonsrootswaale 2011 hät s das Ergebnis ggèè: BDP 0,6 %, CVP 0,8 %, EDU 1,6 %, EVP 11,2 %, FDP 0,8 %, GLP 1,5 %, GP 6,9 %, SP 38,6 %, SVP 37,8 %, Suschtigi 0,3 %.

Gmäindspresidäntin isch vo 2002 bis 2014 d Sabine Sieber gsii.^[4]

Wirtschaft

D Aarbetsloosigkäit isch im Jaar 2010 bi 1,8 % gläge.^[2]

Tieläkt

De züritütsch Tieläkt vo Schtèèrnebèèrg ghöört zu den Oberländer Mundaarte.

Literatur

• Ueli Müller: Sternenberg (ZH). In: Historisches Lexikon vo dr Schwiiz.
• Hans Martin Gubler, Die Kunstdenkmäler des Kanton Zürich. Band 3: Die Bezirke Pfäffikon und Uster. Hrsg. von der Gesellschaft für Schweizerische Kunstgeschichte GSK. Bern 1978 (Kunstdenkmäler der Schweiz, Band 66). ISBN 3-7643-0991-1. S. 331–339.

Weblink

 Commons: Sternenberg – Sammlig vo Multimediadateie

• Sternenberg (Memento vom 19. März 2012 im Internet Archive)
• d Website vom Vercheerverain Schtèèrnebèèrg