Tambogruppe

D Tambogruppe isch e Gebirgsgruppe an dr Gränze zwische Schwyz un Italie. Si lyt im Sidoschte vu dr Weschtalpe in dr Kanten Graubünde un Tessin un in dr lombardische Provinze Varese, Como un Sondrio.

Tambogruppe
Gruppe am Sidoschtrand vu dr Weschtalpe Gruppe am Sidoschtrand vu dr Weschtalpe
s Tambohorn ääne vum Hinterrhydal. s Tambohorn ääne vum Hinterrhydal.
Höchst Gipfel	Tambohorn (3'279 m ü. M.)
Lage	Schwyz / Italie
Deil vo	Weschtalpe
Koordinate	733751 / 11485646.1718969.1706233279
Flechi	2.600 km²

f

p5

Lag un Flechi

S Biet wird (im Uhrzaigersinn ab Nord) umgränzt vum Hinterryh, Hüscherebach, Splügepass, Liro, Mera, em Oschtarm vum Comer See, dr Po-Ebene, em Lago Maggiore, Tessin, Moësa un em San-Bernardino-Pass un deckt e Flechi vu 2600 km².^[1]

Wird d Gruppe dur zwee großi Oberitalienischi See yygränzt, no isch dr Luganersee derzwische. Vun ihm ziet si derno e langi Chette ohni Unterbuch no Noprde, wu uf dr ganze Lengi d Gränze zwische dr Schwyz im Weschte un Italie im Oschte bildet, bis zum Pizzo Tambo, wu si si zäme mit em Alpehauptkamm em Splügepass zuechehrt. Är isch sozesage dr Zäntralpunkt vu dr Alpe, wel si do uf däm Sattel d Wescht-Oschtalpe-Gränze verlauft un si do schnydet mit dr Linie zwische Nord- un Sidalpe.

In Nord-Sid-Richtig goht d Gruppe vum Rhywald nerdli vum Alpehauptkamm (Wasserschaide) bis zur Popebeni.

Gruppe un Gipfel

D Tambogruppe wird in die sibe Untergruppe yydailt: ^[1]

• Tambo-Curciusa-Gruppe mit em Pizzo Tambo (Tambohorn) 3'279 m ü. M. ^[2]
• Piz-Pombi-Chette mit em Piz Corbet 3'025 m ü. M. ^[3]
• Pizzo-Paglia-Gruppe mit em Pizzo-Paglia 2'593 m ü. M. ^[2]
• Camogè-Támaro-Gruppe mit em Monte Tamaro 1'960 m ü. M. ^[4]
• Vareser Voralpen mit em Monte Campo dei Fiori 1'227 m ü. M. ^[4]
• Generoso-Intelvi-Gruppe mit em Monte Generoso 1'701 m ü. M. ^[5]
• Alta Brianza mit em Monte San Primo 1'682 m ü. M. ^[5]

Däler un Ortschafte

D Däler im biet sin relativ churz, wäge däm het s au im Innere vu dr Gebirgsgruppe nume wenig Ortschafte, wie Lugano un Porlezza; an irem Rand lige Splüge, Lecco, Como, Varese, Luino un Bellinzona. Am Stade vum Lago Maggiore isch dr niderscht Punkt uf 193 m s.l.m., dodermit git s e Differänz zum hegschte vu 3086 m.

Weblink

 Commons: Tambogruppe – Sammlig vo Multimediadateie