Tastsinn

Mit em Dastsinn näme Lääbewääse Berüerige woor. D Strukture, wo für das brucht wärde, wärde as Dastsinnorgan bezäichnet.^[1]

Zwäi Vater-Pacini-Körperli in dr Subkutis. Das si Mechanorezeptore in dr Hut, wo Wibrazione bsundrigs guet gspüüre.

Dr Dastsinn wird as Oberbegriff für die taktili (wo s Berüere betrifft)^[2] und die haptischi (wo uf em Dastsinn basiert)^[3] Woornäämig verwändet. In dr Litratuur wärde d Begriff taktili Woornäämig für s passive Berüertwärde und haptischi Woornäämig für s „aktive Erkenne“ verwändet.^[4]

Vo dr Füsiologii us gsee isch dr Dastsinn abhängig vom sensomotorische Süsteem (Verarbäitig vo motorische und sensorische Informazioone) und vom somatosensorische Süsteem (Verarbäitig vo sensorische Informazioone)^[5].