Trajan

De Imperator Caesar Nerva Traianus Divi Nervae filius Augustus (* 18. Septämber 53 villicht in Italica, Hispania; † 8. Ouguscht 117 z Selinus, Cilicia), wo nach sim Tod isch Trajan gnennt worde, isch vom 98i bis zum 117i römische Kaiser gsi.

Trajan
Römische Kaiser
Büste vom Trajan
Regierigsziit	28. Januar 98 noch dr Ziitwändi – 8. Ouguscht 117
Name	Marcus Ulpius Traianus (vo dr Geburt bis zur Drohnbestiigig); Imperator Caesar Nerva Traianus Divi Nervae filius Augustus (as Kaiser)
Uf d Wält cho	53. Septämber 18
Geburtsort	Italica, Hispania
Gstorbe	8. Ouguscht 117 (im Alter vo 63)
Dodesort	Selinus, Cilicia
Begrabe	Rom, Italie
Vorgänger	Nerva
Nochfolger	Hadrian
Verhürotet mit	Pompeia Plotina

S Römische Riich under em Trajan, wo s am grösste gsi isch.

Dr Trajan isch dr ersti römischi Kaiser us dr Provinz gsi und gältet in dr denatorische Gschichtsschriibig as dr best vo römischi Princeps (optimus princeps). Noch de letschte Regierigsjoor vom Domitian, won er römischi Senatore verfolgt und hiigrichdet het, und em Ändi vo dr flavische Dünastii isch mit dr churze Regierigszit vom Trajan sim Vorgänger Nerva und bsundrigs dur e Trajan sälber s Adoptivkaiserdum begründet. Under iim si Armenie, Mesopotamie und vor allem s Dakerriich erooberet worde und s Römische Riich het si grössti Usdeenig gha. Innepolitisch het dr Trajan mit umfangriiche Bau- und Sozialmassnaame Italie gsterkt und d Romanisierig in de Browinze vom Riich gförderet.

Dr Trajan isch uf dr Räis zrugg us em Middlere Oste chrank worde und het bevor er gstorbe isch, si Nöwöö Hadrian adoptiert. Am 8. August 117 isch er z Selinus in Kilikie gstorbe.^[1]