Trun GR
a Gmaind im Bündnerland From Wikipedia, the free encyclopedia
Remove ads
Truns (rätoromanisch Trun , de dütsch Name het bis 1943 offiziell für d Gmaind gulte) isch en Gmaind im Bezirk Surselva vom Kanton Graubünde.
| S GR im Lemma isch s offiziell Chürzel vom Kanton Graubünde und wird bruucht, zum Verwächslige mit Yträäg vom Name Trun vermyde, wo öppis anders meined. |
Remove ads
Geografii
D Gmaind liit am Vorderrhy. S Gmandpiet goot uf beide Syte vom Taal bis uf d Bärge ue, im Süde bis zum Piz Nadels (2789 Meter über Meer) und im Norde zum Piz Urlaun und zum Bifertestock, wo dr romanisch Name Pèz Durschin het.
D Nochbergmainde sind Sumvitg, Glarus Süd, Brigels und Obersaxe Mundaun.
Gschicht
Am Rhy isch uf emene Hügel e Chilcheburg us em früene Middelalter gsi. Spöter sind im Gmaindpiet d Burge Cartatscha, Friberg, Ringgebärg und Phiesel gstande.
Dr Name vo Truns chunt ane 765 s erschte Mol vor, im Teschtamänt vom Bischof Tello. Dr Tello het dozmol em Chloschter Disentis Güeter z Truns und i de umligende Gmainde vermacht.
Bi der Sankt Anna-Kapelle stoot dr Ahorn vo Truns, wo i dr Gschicht vom Graue Bund en Rolle gspilt het. Dä Bund isch ane 1424 z Truns gründet worde und er het bis ane 1798 do jewyls Gricht ghalte und no bis ane 1814 syni Tagsatzige gha.
1912 isch d Ysebaanstreki vo de Rhätische Baan bi Truns eröffnet worde.
Sid ane 2012 ghört di ehemoligig Gmaind Schlans au zu Truns.
Remove ads
Lüt
- Alois Carigiet (1902–1985), Mooler und Grafiker
- Zarli Carigiet (1907–1981), Schauspiiler
- Caspar Decurtins (1855–1916), Politiker
- Vitus Huonder (* 1942), Bischof vo Chur
- Placidus a Spescha (1752–1833), Mönch, Bärgschtyger, Schriftsteller und Naturforscher
- Alexi Decurtins (*1923), Romanischt und Wörterbuechredakter
Weblink
- Website vo dr Gmaind Truns
- Adolf Collenberg: Truns. In: Historisches Lexikon vo dr Schwiiz.
Fuessnoote
Wikiwand - on
Seamless Wikipedia browsing. On steroids.
Remove ads