Tuttlingen

Duttlinga (amtlich Tuttlingen) ischt d Kroesstadt em Landkroes Duttlinga en Bade-Wirttebärg ond a Große Kroesstadt. En dr Gschicht vo Wirtebärg isch dia Stadt ibr Jahrhondrt dr suidlichst Aussaboschta vo Wirtebärg gsei.

Wappa	Deitschlandkart
	47.9844444444448.8186111111111645
Basisdata
Dialekt:	Alemannisch
Hauptvariante:	Schwäbisch
Regionalvariante:	Südalb
Bundesland:	Bade-Wirttebärg
Regierongsbezirk:	Freiburg
Landkroes:	Duttlinga
Heh:	645 m i. NHN
Fläch:	90,5 km²
Eiwohner:	34.775 (31. Dez. 2006)[1].
Bevelkerongsdicht:	384 Eiwohner je km²
Boschtloetzahle:	78501–78532
Vorwahl:	07461
Kfz-Kennzoeche:	TUT
Gmoedsschlissel:	08 3 27 050
Stadtgliderong:	Kernstadt und 3 Stadtteile
Adress vo dr Stadtverwaltong:	Rathausstraße 1 78532 Tuttlingen
Webpräsenz:	www.tuttlingen.de
Oberbirgermoeschter:	Michael Beck (CDU)

Geografi

Duttlinga leit em an dr Obered Doene im gleichnamige Naturpark, am Fuaß vum Honberg. Nochbergmoede send Mihla, Friddinga, Neihousa ob Eck, Emminga-Liptinga, Immadinga, Dalla, Seidinga-Oberflacht, Wurmlinga.

D Gmarkong setzt sich zemme ous 21,6 % Landwirtschaftsfleche, 61,7 % Wald, 15 % Sidlongsfleche ond 1,6 % sonschticher Fleche.^[2]

Gmoedsgliderong

Zue Duttlinga gheret d Stadtdoel Eßlinga, Mehringa (mit dr gleichnamige Stadt, dr Sidlong Vorstadt, dr Hef Brunnerhof ond Engelberthof ond em Wohnblatz Lindenhof), Nendinga (mit em gleichnamige Dorf, em Weiler Altental ond dr Hef Neumühle ond Ziegelhütte) ond Duttlinga (mit dr gleichnamige Stadt, dr Sidlong Koppenland, dr Weiler Äußerer Talhof, Innerer Talhof ond Ludwigstal ond dr Hef Aichhalder Hof, Bleiche, Gallertalhof, Lohhof, Maiental, Papiermühle, Wenigsbronner Hof ond Württemberger Hof).

Gschicht

Duttlinga ischt zom erschte Mol gnennt worde em Johr 797.

1803 isch Duttlinga abbrent. Seit 1830 hent d Duttlenger mit em Hontes, ema Vulkanberg wo bei Singa leit, a Gebiet zmidscht im Badischa verwalte dirfe. Erscht am 1. Januar 1969 isch es an Singa verschenkt worre.

Em Zug vo der Verwaltongsreform 1973 isch Duttlinga mitem ganze Laadkroes vom Regierungspräsidium Sidwirtteberg an des en Freiburg (vormols Suidbade) komme, was nit iberall uf Begoeschterong gschtossa ischt.

Verwaltong

Duttlinga ghert zue koener Verwaltongsgmoeschaft.

Dr Oberbirgermoeschter vo Duttlinga ischt dr Michael Beck.

Wahla

Ergäbnis vo de Landdagswahla seid 2006:^[3]

Johr	CDU	SPD	FDP	Greane	Lenke1	AfD	Sonschtiche
2016	30,2 %	10,3 %	7,4 %	30,4 %	2,9 %	14,7 %	4,3 %
2011	42 %	24,1 %	19,9 %	5,8 %	3,3 %		4,9 %
2006	40,6 %	23,1 %	13,5 %	14 %	3 %		5,7 %

¹ 2006: WASG, seid 2011: Die Linke

Dialekt

Dr Dialekt vo Duttlinga ghert zom Schwäbisch, dr Dialekt vo dr Stadtdoel Möhringen ond Eßlingen zom Bodeseealemannisch.