WWF

Dr WWF (World Wide Fund For Nature, bis 1986 World Wildlife Fund) isch e Schwyzer Stiftig mit Sitz z Gland, Kanton Waadt. Si isch anne 1961 grindet wore un isch aini vu dr greschte internationale Natur- un Umwältschutzorganisiatione. S Woobedier vum WWF isch dr Groß Panda. Dr WWF setzt si yy fir dr Erhalt vu dr biologische Vylfalt vu dr Äärd, d noohaltig Nutzig vu natyrlige Ressourcen un d Verringerig vu dr Umwältverdräckig.

World Wide Fund For Nature
Grindig	1961
Sitz	Gland, Schwyz (⊙46.4171676.270944)
Persone	Yolanda Kakabadse (Bresidänti) Philip, Duke of Edinburgh (Ehrebresidänt)
Aktionsruum	wältwyt
Schwärpunkt	Natur- un Umwältschutz
Budget	656,6 Millione Euro (2014)[1]
Freiwilligi	iber 5 Millione[2]
Aagstellti	6.200[2]
Websyte	www.panda.org

D Organisation isch in iber 80 Länder mit aigene Biro verdrätte un wird vu iber fimf Millione Mänschen unterstützt. Syt dr Grindig vum WWF sin wältwyt 11,5 Milliarden US-Dollar in iber 13.000 Projäkt inveschtiert wore.^[2] Dr WWF finanziert si vor allem iber Spände.^[1] Dr WWF het an dr Grindig vu vyl andere Organisationen un Initiativen mitgwirkt, dodrunter s Forest Stewardship Council un s Marine Stewardship Council.

Literatur

• Alexis Schwarzenbach: WWF – Die Biografie. 50 Jahre Naturschutz im Zeichen des Pandabären. Collection Rolf Heyne, München 2011, ISBN 978-3-89910-491-2.
• Kevin Riemer: Vertrauen im Kontext des nachhaltigen Konsums: Unter besonderer Berücksichtigung bisektoraler Kooperationen des WWF Deutschland. Akademische Verlagsgemeinschaft München, München 2015, ISBN 978-3-86924-624-6.
• Klaus-Henning Groth: Das große Buch des WWF – 40 Jahre Naturschutz für und mit den Menschen. Hrsg.: WWF Deutschland. Edition Rasch und Röhring, Steinfurt 2003, ISBN 978-3-934427-37-2.
• Wilfried Huismann: Schwarzbuch WWF: dunkle Geschäfte im Zeichen des Panda. Gütersloher Verlagshaus, Gütersloh 2012, ISBN 978-3-579-06675-2.

Weblink

 Commons: WWF – Sammlig vo Multimediadateie

• Bstand WWF Schwyz in dr Findmittel vom Schwyzerische Sozialarchiv
• Websyte vum WWF