Wieden (Schwarzwald)

Wyde (IPA: ['vi:də], amtlig Wieden) isch e Gmeind im Landchreis Lörrach in Bade-Württeberg. D Gmeind ghört zum Gmeindeverwaltigsverband Schönau im Schwarzwald.

Wappe	Dütschlandcharte
	47.8408333333337.8816666666667828
Basisdate
Dialekt:	Alemannisch
Hauptvariante:	Hochalemannisch
Regionalvariante:	Markgräflerisch
Verbreitig:	relativ hoch
Bundesland:	Bade-Württebärg
Regierigsbezirk:	Fryburg
Landchreis:	Löörech
Gmeiverwal- tigsverband:	Schönau im Schwarzwald
Höchi:	828 m ü. NHN
Flächi:	12,3 km²
Iiwohner:	560 (31. Dez. 2024)[1]
Bevölkerigsdichti:	46 Iiwohner je km²
Poschtleitzahl:	79695
Vorwahl:	07673
Kfz-Chennzeiche:	LÖ
Gmeischlüssel:	08 3 36 096
Webpräsenz:	www.wieden.de
Burgermeischteri:	Annette Franz
Lag vo dr Gmei Wyde im Landchreis Löörech
Karte

Dialäkt: Markgräflerisch (Lörrach)

Geografischi Lag

Wyde isch als Erholigsort staatlig anerkännt und litt i me Hochdal im Naturapark Südschwarzwald, wo zwüsche Schauinsland (1286 Meter), Fäldberg (1493 Meter) und Belche (1414 Meter) ybettet isch, uff 740 bis 1280 Meter über em Meer.

D Gmeind gränzt im Nordoste und Oste an d Stadt Todtnau, im Süde an Utzefäld, im Weste an Aitere und im Nordweste an Münschterdal im Landchreis Brysgau-Hochschwarzwald.

Gmeindegliderig

Zu de Gmeind Wyde ghöre s Dorf Oberwyde, d Wyler Hüttbach, Lailehüser, Laitebach, Neßlerhüser, Säge und Warbach, d Zinche Bühl, Grabe, Rütte und Underwyde, d Höf Mittelbach, Neumatt und Schwaine und d Hüser Beckerain, Eckle, Chönigshütte, wo zum Deil au uff Utzefälder Gebiet litt, Nydermatt, Schürmatt, Steine, Wydener Äck und Wydematt.

Gschicht

Wyde isch sit 1809 e selbständigi Gmeind und isch durch d Züeghörigkeit zum Gmeindeverwaltigsverband Schönau im Schwarzwald eini blybe.^[2]

Politik

Wyde ghört em Gmeindeverwaltigsverband Schönau im Schwarzwald a.

Gmeinderoot

D Wahl am 13. Juni 2004 hät folgends Ergebnis brocht:

1. Freii Wähler 50,4 % (-6,9) - 4 Sitz (-1)
2. CDU 49,6 % (+6,9) - 4 Sitz (+1)

Landdagswahle

Ergebnis vo dr Landdagswahle sit 2006:^[3]

Johr	CDU	SPD	FDP	Grüeni	Linki1	AfD	Suschtigi
2016	46,7 %	9,8 %	0,7 %	29,6 %	0,7 %	8,7 %	3,8 %
2011	57,1 %	18,8 %	3,6 %	14,6 %	2,3 %		3,6 %
2006	71,8 %	11,4 %	3,5 %	5,1 %	2 %		6,3 %

¹ 2006: WASG, sit 2011: Die Linke

Wappe

S Wappe vo de Gmeind zeigt uff de linke Hälfti uff em Silbergrund e griene Wydezweig, wo uff de Namme vom Ort hywyse soll. De Hirsch, wo uff de rächte Site uff blauem Grund am Springe isch, erinnert dra, dass Wyde über Johrhunderte zu de Dalvogtei Schönau vom Chloster St. Blasie ghört hät.

Sehenswürdigkeite

• Bsüecherbergwerch Finschtergrund

in de Nöchi:

• Bergwildpark „Steiwasepark“

Bruuchtum

Ändi Juli, noch em Heuet, fyred me z Wyle s Heugeißfeschd.

Wirtschaft und Infrastruktur

Bildig

Z Wyde git s e gmeinsami „Grundschüel Wyde-Utzefäld“, wo vo Schieler vo Wyde und Utzefäld bsüecht wird. D Schieler ab de fümfte Chlass gönn uff d Realschüel z Zell oder d Hauptschüel bzw. s Gymnasium z Schönau.

Rettigsdienscht

• Freiwilligi Fürwehr
• Bergwacht Schwarzwald, Ortsgruppe Wyde

Weblink

 Commons: Wieden (Schwarzwald) – Sammlig vo Multimediadateie

• Internetufftritt vo Wyde
• Gmeindeverwaltigsverband Schönau im Schwarzwald/Wyde