Winfried Bertsch

Dr Winfried Bertsch (* 17. Oktoower 1937 in Lichteni im Landkreis Raschti z Bade-Wirttebärg (Ditschlond; † 26. Juni 2025) ) isch en Autor gsin, wu sich zum Ziil gsetzt hät, d'oberrhinalemannisch Mundart un Ortsgschicht vun Lichteni z pfläge un mit Bilderli z erhalte.

dr Winfried Bertsch 1960

Lawe

Ufgwagse rund um d alt Schmidd, as Suhn vun dr Schmidd-Haase im Neudoerfl, isch er uf d Schuel in Lichteni un d Berufsschuel in Bihl gange. Speter hät er d' Uusbildung zum technische Zeichner in Heidelbärg gmacht. Er hät als erfolgricher selbständiger Versicherer gschafft und vill Litt in de Region kenneglernt. Dr Winfried Bertsch hät mit sinnre elsässische Frau Jeanne zwei Kinder un zwei Enkelkinder ghaa.

Engagement, Bruchtum un Mundart

In dr Region isch dr Bertsch als S’Schmiddhaase Winfried bekannt wore dur sin Engagement fir s draditionäll Bruchtum un fir dr alemannisch Dialäkt, sinne Muettersproch. Er hät ehreammtli in dr Kontakt-Gruppe Bürger-DOW gschafft, wu er uff d'umweltregionale Aspekte vum Chemiewerk von DOW Chemical im elsässische Drösem uf dr ändere Sitte vum Rhin guggt.^[1] Bsunders aktiv isch er im Vereinslebe vun dr Stadt gsin. Sitt 1957 hätt er Funktione im mit rund 800 Mitgliider greschte regionale Verein ghaa, em Turnverein 1864 Lichteni (do ghert awer äu Tennis, Tischtennis, Film & Foto etc. dezue). Vun 1976 bis 1994 isch er Vorstand gsin un hätt zum Beispiel dr Bau vum große Vereinsheim 1992 mitorganisiert. Sitt dem isch er Ehrevorstand gsin un hät sitt 1977 au dr groß regional Fasnetsumzug angfiert, wu er ins Lawe grüefe hät.

Schrifte

• Des geht uf ke Kuehhutt – Alemannische Mundart von s Schmiddhaase Winfried. Hrsg. von Matthias Bertsch. Eigenverlag, Lichtenau 2006.
• Eine Reise ins alte Lichtenau. Ein historischer Bilderbogen mit alemannischen Geschichten. Mit zahlreichen Bildern von damals, früher und gestern aus allen Stadtteilen. Hrsg. von Matthias Bertsch. Eigenverlag, Lichtenau 2011.

Uszeichnunge

• Ehrenodel vum Turnverband (1986).^[2]
• Bürgermedaille der Stadt Lichtenau (2004)^[3]

Weblink

• dr Winfried Bertsch uf dr Websyte vu dr Muettersproch-Gsellschaft
• D Geschicht vom Turnverein 1864 Lichteni