Grenzach-Wyhlen

Chrenzach-Wyhle (hochdütsch: Grenzach-Wyhlen) isch e Gmei im Landkreis Lörrach am Hochrhy un im Dreiländereck am südliche Rand vum Dinkelbärg.

Wappe	Dütschlandcharte
	47.5457.6758333333333277
Basisdate
Dialekt:	Alemannisch
Hauptvariante:	Hochalemannisch
Regionalvariante:	Dinkelbergisch
Bundesland:	Bade-Württebärg
Regierigsbezirk:	Friiburg
Landchreis:	Löörech
Höchi:	277 m ü. NHN
Flächi:	17,3 km²
Iiwohner:	15.476 (31. Dez. 2024)[1]
Bevölkerigsdichti:	894 Iiwohner je km²
Poschtleitzahl:	79639
Vorwahl:	07624
Kfz-Chennzeiche:	LÖ
Gmeischlüssel:	08 3 36 105
Gmeigliderig:	2 Ortsdeile
Adress vo dr Gmeiverwaltig:	Hauptstraße 10 79639 Chrenzach-Wyhle
Webpräsenz:	grenzach-wyhlen.de
Burgermeischter:	Tobias Benz
Chrenzach-Wyhle im Grossruum Basel
Karte

Geografii

D Gmei isch e Deil vo de Trinationali Agglomeration Basel un leit 7 km öschtlich vo Basel un 8 km südlich vo Lörrach. Noochbargmei sin Inzlinge im Norde, Herte (e Ortsdeil vo Badisch-Rhyfälde) im Oschte, Prattle, Muttez un Birsfälde im Süde (alli im Baselbiert) un Rieche un Bettige im Nordweschte (Kanton Basel-Stadt). D Gmei bschtoht us de zwei Ortschafte Chrenzach un Wyhle, wo 1975 durch d Gmeindereform zämmegschlosse worre sin. Im Norde vu Wyhle leit de Ortsteil Rührberg, wo bis 1975 zu Wyhle ghört het, am Füess vum gliichnamige Bärg. Chrenzach-Wyhle het fascht 14.600 Ywohner.^[2]

Namebildig

D Gegend um Chrenzach isch zerscht während dr Hallstattzit vo de Kelte bsiidelt worde. Dr Name vo Chrenzach goht allerdings uf d Römer zrugg, un nit wie viili Ortsname i dr Gegend uf e keltischi Sproch. Chrenzach isch vum latiinische Carantiacum (s Güet vum Carantius) abgleitet. Wyhle higäge goht uf d alemannischi Bsiidlig zrugg un chunt vo Altalemannisch ze wilon (bi de Ville).

Wahle

Ergebnis vo de Landdagswahle sit 2006:^[3]

Johr	CDU	SPD	FDP	Grüeni	Linki1	AfD	Suschtigi
2016	23,2 %	15,4 %	8,1 %	34,8 %	2,9 %	12,1 %	3,5 %
2011	29,8 %	28 %	6,1 %	29,4 %	2,6 %		4,1 %
2006	36,4 %	32,5 %	12,7 %	12,3 %	2,8 %		3,4 %

¹ 2006: WASG, sit 2011: Die Linke

Bildig

In Chrenzach-Wyhle gits insgsamt vier Schüele: s Lise-Meitner-Gymnasium, d Realschüel, d Bärefelsschüel und d Lindeschüel. D letsche beide sin Grund- un Hauptschüele (Werkrealschüel). D Hebelschüel isch 2012 ufglöst worde, in dem Gebäude hets jetzt e Chindergarte.

D Lährgnosseschaft

D Schüelleitig am Lise-Meitner-Gymnasium (LMG) bsetzt dr Frank Schührer (Stand 2019/20).^[4]

Am LMG wird vo ca. 40 Lährer un Lährerinne unterrichtet.

• Fächer: Religion, Naturphänomäne, Bio, Methematik, Dütsch, Latiin, Änglisch, Französisch, Schpanisch, Physik, Chemi, Sport, Musik, Gschicht, Erdkunde, Heimatkunde, Politik u. a.

S werde no verschiedeni, freiwilligi AGs abote, wo mer sich in de Mittagszit demit bschäftige cha.

S Schüelgebäude un s Gländ

S Lise-Meitner-Gymnasium teilt sich s Gebäude mit dr Realschüel. Ä Sporthalle un ä Musikpavillon sin uffem untere Schüelhof vorhande, s git abr au en Sportplatz, wo d´Sportlährer ihre Unterricht druf ustrage chönne. Dr obre Schüelhof ghört offiziell em Gymnasium un de untere de Realschüel. Vor dr Sporthall isch in de 1980er Joor ä Biotop aaglait worde.

D Schüel leit zwüsche de beide Ortschafte Chrenzach un Wyhle. Ums Schüelgländ umme sin Bäum un Häcke, des heißt, dass me s Gebäude vo dr Stroos us nit güet seh cha.

Bligg uff dr Ortsteil Wyhle vom Lieschtler Schleifebärg us (ca. 8 km Distanz)

Lüt

• Werner Richter (1929–2018), Haimetdichter

Weblink

 Commons: Chrenzach-Wyhle – Sammlig vo Multimediadateie

• Internetpresänz vu dr politische Gmeind Chrenzach-Wyhle
• Nochrichte us Chrenzach-Wyhle in de „Badische Zitig“