الاسلام السياسى
From Wikipedia, the free encyclopedia
الاسلام السياسى مصطلح سياسى بيتقال على افكار مجموعة "المسلمين الاصوليين" و مجموعة من الحركات ليها افكار سياسية ممكن تتلخض بان الاسلام مش بس دين بس كمان نظام سياسى واجتماعى وقانونى و اقتصادى بيصلح لبنا مؤسسات دولة و ان الشريعه الاسلاميه ، حسب فهمهم ، لازم تكون تتطبق كامله. و بيعتبر دول زى السعوديه ، ايران ، نظام طالبان فى افغانستان ، السودان و الصومال و حماس فى قطاع غزه امثله على نظم حكم ممكن تتوصف بالاسلام السياسى لكن كمان اى دوله حاطه الشريعه الاسلاميه فى الدستور و القوانين و التعليم و الاعلام و غيره برضه من ضمن الاسلام السياسى. اتباع الاسلام السياسى مش شرط يكونو من اتباع مذهب اسلامى واحد او لهم نفس الافكار فى الفروع بس كلهم متفقين ان الاسلام مش مجرد دين بس نظام حكم دينى و سياسى و قانونى و اقتصادى و تعليمى [1] و اعلامى و اجتماعى و فنى و معمارى و لغوى و لبس [2] و شرب و اكل و علاج و كل حاجه. الشريعه الاسلاميه بفهم كل مجموعه لازم تتطبق فى المجتمع.