الظاهر بيبرس
From Wikipedia, the free encyclopedia
الملك الظاهر ركن الدين بيبرس العلائى البندقدارى الصالحى النجمي . ( اتولد حوالى سنه 1221 - اتوفى 2 مايو 1277 ). رابع سلاطين الدولة المملوكيه وبيعتبر من أعظم سلاطينها و المؤسس الحقيقى ليها و من أعظم اللى حكمو مصر عبر التاريخ.
الظاهر بيبرس هوه حاكم مصر رقم 403 |
---|
| ||||
---|---|---|---|---|
معلومات شخصيه | ||||
الميلاد | 19 يوليه 1223 | |||
الوفاة | 1 يوليه 1277 (54 سنة) | |||
مواطنه | الدوله المملوكيه | |||
ابناء | السعيد بركه قان ، وسلامش | |||
عيله | المماليك البحريه | |||
اللغه الام | عربى | |||
اللغات المحكيه او المكتوبه | عربى | |||
الخدمة العسكرية | ||||
المعارك والحروب | الحمله الصليبيه السابعه ، ومعركة المنصوره ، ومعركة عين جالوت ، ومعركة ارسوف (1265) ، ومعركة الأبلستين ، والحمله الصليبيه التاسعه | |||
تعديل مصدري - تعديل |
قومندان عسكرى و سياسى فذ على مستوى التاريخ و العالم ، حقق انتصارات كتيره ضد الصليبيين و المغول وغيرهم عسكرى و سياسى من غير ما ينهزم فى أى معركه. لقبه مؤرخين بـ " نابوليون مصر " بغض النظر عن ان بيبرس ما خسرش ولا معركه عسكريه و نابليون خسر.
قبل ما يتسلطن لعب دور رئيسى فى هزيمة الصليبيين فى معركة المنصورة سنة 1250 و هزيمة المغول فى معركة عين جالوت. قعد على عرش مصر بعد رجوعه من معركة عين جالوت و إغتيال السلطان سيف الدين قطز. حكم من سنه 1260 لغاية وفاته بعد معركة الأبلستين ضد المغول سنه 1277. أحيا الخلافه العباسيه فى القاهرة بعد ما قضى عليها المغول فى بغداد ، و انشأ نظم اداريه جديده فى الدوله ، و دخل فى حروب كتيره ضد الصليبيين و المغول ، و اشتهر بذكائه العسكرى و الدبلوماسى ، و كان ليه دور كبير فى تغيير الخريطه السياسيه و العسكريه فى منطقة البحر المتوسط. قضى على الحشاشين فى الشام سنه 1273. حكم 17 سنه و شهرين .
قصة حياة الظاهر بيبرس فى حد ذاتها تشبه الأساطير و حواديت الف ليله و ليله. الظاهر بيبرس اللى كان بيحب التاريخ و بيهتم بيه و كان بيقول : " سماع التاريخ أعظم من التجارب " اتحول لرمز من رموز الشهامه و البطوله فى الوجدان الشعبى المصرى و اتعملت ليه فى مصر اكبر سيره شعبيه اتعملت لحاكم عبر التاريخ اسمها سيرة الظاهر بيبرس.