معركة ارسوف (1265)
معركة قادها الظاهر بيبرس ضد الصليبيين لاستعادة أرسوف، عام 1265، حدثت في منطقة بلاد الشام وتحديدا في فلسطين بالقرب من مدينة يافا الفلسطينية / From Wikipedia, the free encyclopedia
معركة ارسوف (1265) ، معركه و حصار خاضه السلطان الظاهر بيبرس من 21 مارس لحد سقوط مدينة ارسوف فى ايده فى 26 ابريل 1265.
معركة أرسوف 1265 | |||||||||
---|---|---|---|---|---|---|---|---|---|
جزء من الحملات الصليبية | |||||||||
السبع شعار الظاهر بيبرس | |||||||||
معلومات عامة | |||||||||
|
|||||||||
المتحاربون | |||||||||
المماليك | الحملة الصليبية | ||||||||
القادة | |||||||||
الظاهر بيبرس | الصليبيون | ||||||||
القوة | |||||||||
؟؟ | 270 فارس | ||||||||
الخسائر | |||||||||
لا يكاد يذكر | ثلث الجنود | ||||||||
تعديل |
بعد ما استلم الظاهر بيبرس حكم مصر سنة 1260 كان عليه انه يواجه الخطر المغولى و الخطر الصليبى فى نفس الوقت. صلاح الدين الايوبى كان انهزم فى ارسوف سنة 1191 على ايد الملك ريتشارد قلب الأسد وقت الحمله الصليبيه التالته ، و من اياميها فضلت ارسوف و مدن تانيه على ساحل الشام فى ايد الصليبيين.
قضى بيبرس عشر سنين كامله من 1261 ل 1271 يناضل ضد الصليبيين و ما كانتش بتعدى سنه من غير ما يهاجم لهم مدينه او حصن ، فى نفس الوقت بيبرس كان مشغول كمان بمحاربة المغول و الحشاشين فى الشام و أرمن كيليكيا ( مملكة ارمينيه الصغرى ). فى كل المعارك دى ما اتغلبش بيبرس فى ولا معركه .[1]
فى خريف 1264 اتوغل المحاربين الصليبيين اللى لويس التاسع ملك فرنسا كان بيدفع لهم مرتباتهم لغاية ضواحى بيسان ، و ظهرت تهديدات مغوليه فى الشام ، فخرج الظاهر بيبرس على راس الجيش المصرى من القاهره فى بداية سنة 1265 ، و عمل نفسه انه مشغول فى رحلة صيد فى التلال اللى ورا مدينة ارسوف و راح طالع للصليبيين فجاءه يوم 27 فبراير فى قيساريه و حاصر قلعتها لغاية ما استسلمت له يوم 4 مارس 1265 ، و ادى الامان للحاميه الصليبيه و سمح لهم بمغادرة المدينه و دخلها و سوى قلعتها بالارض. و من قيساريه راح بيبرس على حيفا و هرب سكانها و حاميتها بالمراكب فاستلمها بيبرس و دخلها و دمرها و دمر قلعتها ، و بعد ما خلص على حيفا راح على قلعة " عثليت " الضخمه اللى كانت فى ايد فرسان المعبد ( الداويه ) و حاصرها ، لكن فرسان المعبد صمدوا اسبوع فحرق لهم شجرهم و زرعهم بره اسوار القلعه و مشى.