From Wikipedia, the free encyclopedia
المغول الوافديه كانو مغول هاجرو على مصر فى عهد الدوله المملوكيه فى العصور الوسطى و استقرو و عاشو فيها و اختلطو بالمصريين و اتجوزو و خلفو منهم. المغول دول كانو بينتمو لقبايل هربت من هولاكو و محمود غازان. اشهر موجتين من الهجرات دى واحده حصلت فى عهد السلطان الظاهر بيبرس و دول كانو مسلمين من القبيله الدهبيه. الظاهر بيبرس رحب بيهم فى مصر و سمح ليهم بالاقامه فى القاهره معززين مكرمين و شغلهم فى الدوله و فى الجيش و كانت ليهم فرقة فرسان خاصه بيهم اسمها " الفرقه الوافديه " و اتمتعو بحريه كبيره فى مصر و ما اطبقتش عليهم النظم المملوكيه العسكريه .[1]
| ||||
---|---|---|---|---|
الارض و السكان | ||||
الحكم | ||||
التأسيس والسيادة | ||||
[[تصنيف: غلط فى قوالب ويكى بيانات|]] | ||||
تعديل مصدري - تعديل |
الهجره التانيه حصلت سنة 1296 فى عهد السلطان العادل كتبغا اللى كان من اصل مغولى. المغول اللى جم مصر اياميها كانو من قبيله اسمها الاويراتيه و ما كانوش مسلمين و كانت عاداتهم غريبه ع المصريين .[2]، و دول كان عددهم كبير حوالى 10.000.[3] المغول دول كانوا هربانين من غازان و كان بيقودهم طغراى جوز بنت من بنات هولاكو و سكنو فى حى الحسينيه فى القاهره [4] و اختلطو جامد بالمصريين و لانهم اشتهرو بالجمال اتجوز المصريين منهم و خلفو منهم و لسه لغاية النهارده دمهم بيسرى فى اعداد من المصريين و بتظهر ملامحهم فى وشوش مصريه [5] ، و فيه نظريه بتقول ان فتوات الحسينيه طلعو من نسلهم. لكن لإن كتبغا كان من اصل مغولى ترحيبه الجامد بيهم خلا الامرا يزعلو و يشكو فى اغراضه و ده كان من اسباب سقوطه بعد كده [6][7]
فيه سلاطين اتجوزو من مغول زى الظاهر بيبرس و المنصور قلاوون و الناصر محمد بن قلاوون و بتظهر ملامح الفن المغولى فى الفن المصرى فى العصور الوسطى زى النقوش الداخليه فى جامع الناصر محمد بن قلاوون.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.