حزب البعث العربى الاشتراكى – قطر سوريا, رسميا الفرع القطرى السورى (سوريا هيا منطقه للامه العربيه فى عقيده البعث), هوا الحزب الحاكم فى سوريا من سنة 1963 و هوا منظمه بعثيه جديده اتاسست فى 7 ابريل سنة 1947 على ايد ميشيل عفلق, صلاح الدين البيطار و زكى الارسوزى.
معلومات سريعة حزب البعث العربى الاشتراكى (سوريا), البلد ...
حزب البعث الفرع القطرى السورى و حسب المؤتمر التأسيسيى هوا حزب قومى و شعبوى و اشتراكى و ثورى بيؤمن بوحدة و حرية الامه العربيه جوه وطنها, عارض الحزب نظرية الصراع الطبقى و دعم تاميم الصناعات الكبرى و نقابة العمال و الاصلاح الزراعى و دعم الميراث الخاص و حقوق الملكيه الخاصه.
اندمج الحزب مع الحزب الاشتراكى العربى بقيادة اكرم الحورانى, لتأسيس حزب البعث العربى الاشتراكى فى لبنان بعد وصول اديب الشيشكلى للسلطه و قرر الحزب دعم جمال عبد الناصر.[1]
بعد الاطاحه بالحكومه العسكريه لاديب الشيشكلى و استعادة النظام الديمقراطى[2] بقى الحزب منظمه شعبيه كبيره و بقى تانى اكبر حزب فى البرلمان[2] و كان الحزب مدعوم من المفكرين بسبب موقفه المؤيد للمصريين و المعادى للامبرياليه و دعمه للاصلاح الاجتماعى.[3]
بتاريخ 21 يناير سنة 2016 اصدرت القياده القطريه لحزب البعث العربى الاشتراكى الحاكم قرار حلت بموجبه و بشكل نهائى القياده القوميه للحزب و استبدالها بمجلس قومى بعثى بيرأسه بشار الاسد, نتيجه عاملين اساسيين, الاول ضعف نشاط القياده القوميه و غيابها عن ساحة العمل الحزبى و التانى تنفيذ مضمون قانون تاسيس الاحزاب السياسيه اللى بيحظر على الاحزاب المؤسسه فى سوريا افتتاح فروع خارجيه ليها.[4]